Pisutta!
Pisuttuaqatigiinnerit nunatsinnut siammartinniarpagut. Pisuttuaqatigiittartunut peqataagit pinngortitatsinnilu aalariaatsit pisuttuaqatigiinnerillu nuannersut peqataaffigalugit!
Pisutta!
Pisuttuaqatigiinnerit nunatsinnut siammartinniarpagut. Pisuttuaqatigiittartunut peqataagit pinngortitatsinnilu aalariaatsit pisuttuaqatigiinnerillu nuannersut peqataaffigalugit!
Tamatta pisuttuarta!
Timerput aalatikkaangatsigu sunnertittuaannarpugut. Isumaginnerulertaratta. Uisaruserunnaartaratta. Nukissaqarnerulertaratta – immitsinnut avatangiisitsinnullu. Taamaattumik-una illit – qanigisatillu – ilasererusukkissi pisuttuaqataaqqullusi.
Pisuttuarnerup sunniutai suusupajugisassaanngillat. Ataavartumimmi pisuttuallattaarnerit, timikkut tarnikkullu peqqinnerulersitsisarmata. Sinilluarnerulersitsiinnartanngilaq aammali saarnginut, ujallunut nukinullu iluaqutaasaqaaq, sivisuumik aalatsarittunngortitsisarmat. Pisuttuaqateqarneq inoqatinut attaveqarnerulersitsisarpoq; qanigisanut – allanilluunniit ilisarisimasaqarnerulersitsilluni.
Pisuttuaassisartunngorit
Silami pisuttuaqateqaraangavit nuannaalertarpit, allanillu peqateqartarneq nuannaraajuk? Pisuttuarnermik – arpannermilluunniit nuannarisaqarnerit allanut ingerlateqqikkusuppiuk? Taamaattoqassappammi pisuttuartitsisartunngornissannut piukkunnaateqarsimassaatit. Ataatsimooqatigiinnut peqataalerit inuillu pisuttuartartut amerlanerulernissaannut aqqutissiuusseqataallutit!
Pisuttuaqatigiittartut ataatsimoorfiat
Facebookimi eqimattaliortoqarnikuuvoq `PISUTTA`-mik, tassani pisuttuaqatigiittartut allat peqatigallugit misilittakkatit siammartersinnaavatit pisuttuaqatigiittartunilluunniit pilersitsillutit. Illoqarfigisanni pisuttuartartunik ujartuivit imaluunniit pisuttuaqatigisartakkanni inunnik pisariaqartitsivit? Taava eqimattami tassani ujartukkatit nassaarisinnaavatit.
Unammisitsineq – misigisatit avammut siammaatikkit!
Eqqugassat eqqorsinnaasassatit taava ukuupput:
15.000,- kr-nik naleqartoq
Taski pilerinavissoq atisanik allanillu immigaq bl.a.
Taski pilerinavissoq atisanik allanillu immigaq bl.a.
IMA PEQATAASSAATIT
- aalasa@gif.gl -mut allallutit pisuttuaqatigiittarnerit oqaluttuariuk.
Taava 2023-mi Maligassiuisut Show ingerlanneqalerpat 15.000 kr.-imik pissarsisinnaavutit.
• Suleqatitit, sanilitit, ilaquttatit kammalaatitilluunniit pisuttuaqatigikkit 2030-milu nunarsuarmi timimik aalatitsinerpaanngornissatsinnut suliniummik aallartitseqataallutit!
