CORONA - TIMIMIK AALATITSINERMI INNERSUUSSUTIT

KALAALLIT TIMERSOQATIGIIT KATTUFFIANIT NALUNAARUTIGISSUARPUT ILLUP ILUANI TIMERSORNERIT INGERLANNEQAQQISSINNAANNGORTUT - TAMARMIUNNGITTORLI

Uuma sapaatip akunnerata aallartinnerani Timersoqatigiit Kattuffianit nalunaarutingaarput innersuullugulu silami timersornerit, timimiit timimut attuisuunngitsut ingerlanneqaqqissinnaanngortut.

Massakkullu nalilersuinerit innersuussutillu nutaat oqartussanit paasissutisseereernerup kingorna nalunaarutigisinnaalerparput, illup iluani silamilu timersornerit nuna tamakkerlugu ingerlanneqaqqissinnaanngortut. Timersuutit pineqartut tassaapput ataasiakkaarluni ingerlanneqartartut, assersuutingalugu: sulorarneq, nerrivimmi arsaararneq, tennis pisissaarnerlu. Taekwon-do inuillu pinnguaataat ingerlanneqarsinnaapput, timimiit timimut attuisuunngittortai sammineqartillugit.

 

Pissutsit massakkutut isikkoqartillugit timersuutit eqimattakkaarluni ingerlanneqartartut soorlu; futsal, assammik arsarneq, volleyball imaluunniit silami isikkamik arsaaneq ingerlanneqannginnissaanik innersuussivugut.

Illersorsinnaasumik sammisaqartitsinerit timersornerillu ingerlanneqarnissaat kaammattuutingaarput. Kaammattuutingaarpullu pisortanit maleruaqqusat innersuussutillu malinneqarnissaat, inuit 100 angullugit katersuutinnginnissaq, eqqiluisaarnissaq inoqammullu qanillinaveersaarnissamik oqartussanit kaammattuutaasut malinneqarnissaat pingaartippagut, taamaattumik sungiusariarnermi timersuutinik atisereerluni takkuttarnissaq angerlarsimaffimmilu uffartarnissaq innersuupparput.

Kalaallit Nunaanni Covid-19 pillugu Naalakkersuisunit Nappaalanersuaqartillugulu Ataatsimiisitaliamit innersuussat aallaavigalugit Kalaallit Nunaanni Timersoqatigiit Kattuffianit innersuussivugut.

Denne hjemmeside anvender cookies til at sikre, at du får den bedste oplevelse på siden. Læs mere her

Ok