Qinnuteqarfiusinnaasut & Immersugassat

KURSUSPULJEQ

Siunertaa:

Aningaasaliinerup uuma siunertaraa kattuffiit klubbillu pikkorissaanissaminnut pikkorissarnissaminnulluunniit peqataasinnaanerat ajornannginnerulersinneqarnissaat.

Aningaasaliissutip angissusaa:

Kr. 1.000.000 -it Pikkorissaanermut aningaasaliissutinut atorneqassapput.

Kikkunnut:

Kalaallit Nunaanni Timersoqatigiit Kattuffianni ilaasortat GIF-imut Pikkorissaanermut aningaasaliissutinut qinnuteqarsinnaapput.

Suliffeqarfiit, Kalaallit Nunaanni Timersoqatigiit Kattuffianni ilaasortaasut puljemut qinnuteqarsinnaanngillat.

 

Nassuiaat:

Kattuffinnut 1.000.000 kr.-it agguaassassanngorlugit illuartinneqarsimapput. Naatsorsueriaaneq, ingerlatsinermut akiliutigineqartartut assigalugu ingerlanneqartarpoq, taannalu atorlugu takuneqarsinnaasarpoq kattuffik annerpaamik pikkorissaanermut aningaasaliissutinik qanoq annertutigisunik pissarsisinnaanersoq.

Kattuffiit GIF-imut pikkorissaanissaq qaammat sioqqullugu nalunaaruteqartassapput, pikkorissaasoqarnissaanullu missiliutit ilanngullugit nassiunneqassallutik. Pikkorissaanermut qinnuteqartoqassaaq, qinnutigineqartullu 100 %-ii tunniunneqartarlutik.

Pikkorissaasoqannginnerani pisortap siunnersortillu nalilersortarpaat qinnutigineqartut piumasaqaatinik naammassinninnersut, tamatumalu kingorna aningaasaliissutit kattuffinnut tunniunneqarnissaat anguniarlugu allaffimmut ingerlatitseqqiisarlutik.

Septembarimi pikkorissaanermi aningaasaliissutit atorneqanngitsoornikut qinnutigineqarsinnaasarput. Kattuffiit annerpaaffissamik tunineqarsimasut, uani qinnuteqaqqissinnaasarput.

Pikkorissaasoqannginnerani piumasaqaatit:

  • Siunertaa pikkorissaanerullu nassuiaataa ersarissapput
  • Pikkorissaanermi aningaasartuutit tassaapput angalanerit, pikkorissaasoq, nerisaqarneq najugaqarnerlu
  • Pikkorissarneq GM-ertoqarnerata nalaani ingerlanneqassappat aningaasartuutit GM-ertunuunngillat

Pikkorissarnerup kingorna piumasaqaatit:

  • Atit nalunaarsorfiat, mailit ilanngullugit GIF-imut nassiunneqassapput
  • Pikkorissaanerit tamarmik GIK-imit nalilersorneqartassapput

 

Pikkorissaanermut aningaasaliissutinut periuserineqartut

  1. Qinnuteqaat allakkatigut mailikkulluunniit nassiunneqassaaq, uunga:

Kalaallit Nunaanni Timersoqatigiit Kattuffiat

Postbox 84

3900 Nuuk

Imaluunniit email: gif@gif.gl

Sukumiinerusumik paasisaqarusukkuit attavissaq: 34 81 50

Immersugassaq uani nassaariuk: Pikkorissaanermut aningaasaliissutinut qinnuteqaat (LINK)

  1. Qinnuteqaatip tiguneqarnera Kalaallit Nunaanni Timersoqatigiit Kattuffiata uppernarsassavaa, paasissutissiisoqassallunilu qaqugu tusagaqarnissaq naatsorsuutigineqassanersoq.

  2. Pikkorissaasoqareerpat Kalaallit Nunaanni Timersoqatigiit Kattuffianut atinut nalunaarsuiffik mailit ilanngullugit nassiunneqassapput

  3. Pikkorissaanerit ingerlanneqareersut aningaasaliiffigineqarnissaat qinnutigineqarsinnaanngilaq – ingerlanneqassamaartut kisiisa aningaasaliiffigineqarsinnaapput, taamaammat siusinaarlusi piareersaasiorisi. Qinnuteqaat Kalaallit Nunaanni Timersoqatigiit Kattufiiata pikkorissaanissaq qaammat sioqqullugu tigoreersimassavaat.

 


Kalaallit nunaanni timersoqatigiit kattuffiannit pikkorissaanerit tulliuttut neqeroorutigineqarput:


Suliniummik ingerlatsineq

– aaqqissuussanik ungerlatsineq, aningaasaqarneq, suliniummik ingerlatsineq kajumissutsimik suliaqartussanik ujartuineq

Siulersuisunut pikkorissaaneq

– missingersuutit, aningaasanik aqutsineq, periusissiorneq & takorluuineq, kajumissutsimik suliaqarneq, attaveqaqatigiinneq

Meeqqant inuusuttunullu sungiusaaneq

– suliaqarfiit akimorlugit isumassarsiorneq, meeqqanut inuusuttunullu sungiusaasutsialak, kajumissuseq, timikkut eqqarsartaatsinnut isumaginninnikkullu ineriartorneq, pinnguarneq/arsalerineq, pilersaarusiorneq

Sungiusaasunut pikkorissaaneq trin 1 & 2

1 – ATK (ukiukkaanut sungiusaariaaneq) tunngavineqarpoq, peqqissumik inooriaaseqarneq, sungiusaasuuneq, sungiusaanissamut pilersaarusiorneq & meeqqanik inuusuttuaqqanillu sungiusaaneq,
2 –Sportspsykologi & piukkunnaatilinnik ineriartortitsineq

Ajutoornaveersaarnissamik sungiusarneq

– sungiusariaatsit, ajutoornissanik pinaveersaartitsineq, sungiusariaatsit naapertuuttut pillugit teorit ilisimasallu.

PEQATIGIIFFITTUT ILAASORTANNGORNEQ

Kalaallit Nunaanni Timersoqatigiit Kattuffianni pikkorissaanernut aningaasaliisoqarnikuuvoq. Klubbit, illoqarfinni peqatigiiffiit kattuffiillu pikkorissaanermut aningaasaliissutinut qinnuteqarsinnaapput.

Peqatigiiffiit klubbit kattuffillit kattuffitsik aqqutsigalugu qinnuteqassapput.

Sukumiinerusumik paasisaqarusukkuit saaffissaq: jonas@gif.gl. Oqarasuaatikkulluunniit  (GIF): 34 81 50

 

Kalaallit nunaanni timersoqatigiit kattuffiannit pikkorissaanerit tulliuttut neqeroorutigineqarput:

Nalinginnaasumik aqutsinermut pikkorissarneq

– siulersuisuni suliaqarneq, aningaasaqarneq, ataatsimiinneq ataatsiniinnernillu aqutsineq

Aningaaserisunut pikkorissarneq

– missingersuutit, aningaasanik aqutsineq naatsorsuutillu

Meeqqant inuusuttunullu sungiusaaneq

– suliaqarfiit akimorlugit isumassarsiorneq, meeqqanut inuusuttunullu sungiusaasutsialak, kajumissuseq, timikkut eqqarsartaatsinnut isumaginninnikkullu ineriartorneq, pinnguarneq/arsalerineq, pilersaarusiorneq

Nunani tamalaani suliaqarneq

– Nunani tamalaani kattuffiit, ataatsimeeriaaseq, oqaatsitigut pikkorissarneq assigisaalu, nunat tamalaani suliaqarnissap siunertaa

Kommuneqarfinni ilinniarneq

– unnukkut atuartitsineq, assersuutigalugu nalinginnaasumik aqutsinermut pikkorissaanerit sunngiffimmi aqutsisoqarfiit peqatigalugalugit aaqqissuunneqartarput

FOR AT SØGE OM OPTAGELSE SOM FORENING HOS GIF BEDES I UDFYLDE NEDENSTÅENDE SKEMA.
HUSK OGSÅ AT SENDE JERES VEDTÆGTER TIL GIF@GIF.GL:

Qujanaq – innersuusinerit tinguvarput uterfigineqarumaarputit/uterfineqarumaarpusi innersuussinerit tamarmik tunguneqareerpata september-ip aallartilernerani. Inussiarnersumik Timersoqatigiiffiit Kattuffiat

Kunne ikke sende. Prøv igen.

KATTUFFITTUT ILAASORTANNGORNEQ

Kalaallit nunaanni timersoqatigiiffiit kattuffianni peqatigiiffittut akuerisaaniarussi ataani immersugassaq immersoriarlugu qinnuteqaritsi.

Eqqaamallugu malittarisassasi ilanngullugit gif@gif.gl -imut nassiutissagassiuk:

KATTUFFINNIK NUTAANIK AKUERSISOQARNISSAANUT PIUMASAQAATIT:

  1. Timersuutip iluani ataasiinnarmik kattuffeqarsinnaavoq.
  2. Timersuut minnerpaamik sumiiffinni assigiinngitsuni minnerpaamik peqatigiiffinnit tallimanit ingerlanneqassaaq.
  3. Timersuut piffissami sivisuumi ingerlanneqassaaq, tassa imaappoq ingerlanneqaannarnissaa soqutigineqassaaq.
  4. Peqatigiiffiit attuumassusillit B-mi piumasaqaatit allassimasut naammassisimassavaat.
  5. Malittarisassat Kalaallit Nunaanni Timersoqatigiit Kattuffianni inatsisit, kattuffeqariaatsimit aallaaveqartut malissavaat, tassa tamat oqartussaaqataanerat tunngavigalugu kajumissutsimik ikiuuttut, namminersortut peqatigiiffiillu ingerlatsissapput.

PEQATIGIIFFITTUT AKUERISAANISSAMUT PIUMASAQAATIT:

  1. Malittarisassat Kalaallit Nunaanni Timersoqatigiit Kattuffianni inatsisit, kattuffeqariaatsimit aallaaveqartut malissavaat aammalu peqatigiiffeqariaatsip iluani arlaannaatigulluunniit ilaasortaarusuttunut killilersuisoqassanani.
  2. Peqatigiiffik timitaliilluni ingerlatsissaaq, siunerarissallugulu timersornikkut timikkut, eqqarsartaatsikkut isumaginninnerullu iluani siuarsaaneq, ingerlanneqartullu nalinginnaasumik timersuutaassallutik.

Timersuutitut isiginiarneqartut tassaapput ilaasortaminnik timersortitsisut, teknikimik timersortitsitsut, nukkassaasut arlaatigulluunniit qasujaallisaanermik ingerlatsitsisut.

Peqatigiiffiit kattuffittalimmik timersuuteqartut, kattuffimmut peqatigiiffinngornissaminnik qinnuteqassapput, sinnerili Kalaallit Nunaanni Timersoqatigiit Kattuffiannut qinnuteqassallutik.

  1. Peqatigiiffiit Kalaallit Nunaanni Timersoqatigiit Kattuffiannut, kattuffigisaminnulluunniit qinnuteqartut B1-imi piumasarineqartut malillugit malittarisassaminnik akuerisosqarnissaa anguniarlugu malittarisassaminnik nassiussissapput.

Peqatigiiffiit Kalaallit Nunaata avataani pilersinneqartut, Kalaallit Nunaannili ataatsimoortitsinissamik siunertallit Kalaallit Nunaanni Timersoqatigiit Kattuffiannut peqatigiiffittut suleqatigineqartussatut qinnuteqassapput, taakkualu peqatigiiffiit allatut isumaqatigiissusiortoqarsimatinnagu Kalaallit Nunaanniittut pisinnaatitaaffiit assigissallugit.

Sukumiinerusumik paasisaqarusukkuit Jonas Jensen saaffufubeqarsinnaavoq: 34 81 51 imaluunniit jonas@gif.gl

FAXE KONDI-PULJEQ

Siunertaa

Faxe Kondi-pulje aqqutigalugu klubbit atisassaminnut aningaasaliiffigineqarsinnaapput.

Puljep annertussusaa: Ukiumut pingasoriarluni Kr. 65.000 – katillugu ukiumut kr. 195.000.

Qinnuteqarsinnaasut

Kalaallit Nunaanni Timersoqatigiit Kattuffianni ilaasortat timersuutissaminnut aningaasaliiffigineqarnissaminnut Faxe Kondi-puljemut qinnuteqarsinnaapput.

Suliffeqarfiit, Kalaallit Nunaanni Timersoqatigiit Kattuffianni ilaasortaasut puljemut qinnuteqarsinnaanngillat.

Nassuiaat

Faxe Kondip Kalaallit Nunaanni Timersoqatigiit Kattuffiallu isumaqatigiissimapput ukiumut qinnuteqarfigineqarsinnaasut pingasuussasut, Kalaallit Nunaanni Timersoqatigiit Kattuffiallu qinnuteqartut akornanni piukkunnarnerit timersuutissaannik unammissutissaannilluunniit kr. 60.000 -it nalinganut klubbimut arlalinnulluunniit tunniussinnaavaat.

Faxe Kondi-Puljemut qinnuteqarfiusinnaasut pingasuusut aalajangeriikkat:

  1. 01.-31. Januaari
  2. 01.-31. Maaji
  3. 01.-30. Septembari

Kalaallit Nunaanni Timersoqatigiit Kattuffiata atisat Faxe Kondimut qinnutigissavaat, taakkualu Faxe Kondip logoanik isumaqatigiissuteqartoqarsimappallu, qinnuteqaatillu akuerineqarsimappata klubbip pinnattussat logoat ilanngutereerlugu atisat tunniutissavaat.

Faxe Kondi-Puljemi periuserineqartut

  1. Qinnuteqartut uani linkimi timersuutit kissaatigisatik toqqassavaat: Sportigan katalog
  2. Immersugassaq immersorneqassaaq
  3. Angissutsit, qalipaatit, normut assigisaallu eqqaamaneqassapput.
  4. Immersugassaq immersorneqarsimasoq allakkatigut emaililkkulluunniit uunga nassiunneqassaaq:

Kalaallit Nunaanni Timersoqatigiit Kattuffiat

Postbox 84

3900 Nuuk

Email: faxekondipulje@gif.gl

Sukumiinerusumik paasisaqarusukkuit attavissaq: 34 81 50

Qinnuteqaammi paasissutissat ilaasariaqartut:

  • Peqatigiiffiup aqqa
  • Adresse
  • E-mail
  • Attavissap aqqa oqarasuaataatalu normua

Qinnuteqaat nassiunneqareerpat:

  1. Qinnuteqaatip tiguneqarnera Kalaallit Nunaanni Timersoqatigiit Kattuffiata uppernarsassavaa, paasissutissiisoqassallunilu qaqugu tusagaqarnissaq naatsorsuutigineqassanersoq.
  2. Kalaallit Nunaanni Timersoqatigiit Kattuffiata qinnuteqaat suliarissavaa, klubbillu qinnuteqartut saaffigineqassapput kikkut puljemit atisannarnissaminnut akuerineqarsimanersut.
  3. Faxe Kondip peqatigiiffinnut timersuutit nassiutissavai.
  4. Peqatigiiffiup (timersuutinnattoq) atisartaatik atortutaatilluunniit assileriarlugit Kalaallit Nunaanni Timersoqatigiit Kattuffianut faxekondipulje@gif.gl -imut nassiunnissaannut pisussaaffilerneqarput, nassiunneqartut nittarsaassinermi atorneqassapput. Assiliineq nassiussinerlu pissaaq atisat tiguneranit kingusinnerpaamik ullut 14-it qaangiutsinnagit.

MALUGIUK

Pisiareriikkat qinnutigineqarsinnaanngillat, pisussanulli atisarsiniarnerit pineqarlutik – taamaattumik pilersaarusiornissaq pingaaruteqarpoq.

Aningaasanik qinnuteqartoqarsinnaanngilaq.

LEGATIT

Kingumunaasit ukiumoortumik Sungiusaasutsialammik Aqutsisutsialammik Timersortartutsialammillu toqqaasussanngorpugut!

Nalunngisaqaruit sungiusaasumik, aqutsisumik timersortartumilluunniit suliniuteqarnermigut immikkut nersornaasernissaanut piukkunnaateqarsorisarnik taava Faxe Kondip ukiumoortumik nersornaasiinissaanut allallutit innersuuguk.

 

Imaaliussaatit

  1. Ataaniittoq iserfigalugu innersuussinissamut piumasaqaatitai atuakkit
  2. Immersugassaq immersoriarlugu nassiuguk innersuukkusutavit atia innersuunneranullu peqqutitai ilanngullugu lu nassuiaassillutit sooq taannarpiaq nersugaassanersoq.
  3. Taamaalillutit peqataaffigissavat inummik immikkut timersornerup silarsuaani maluginiagassamik nersueqataallutit. Qujanaq!

Kingusinnerpaamik Septemberip Aallaqqaataat 2020 tikitsinnagu nassiussisoqarsinnaavoq

Uani ukiumut innersuussinissamut immersugassat takukkit.

Apeqqutissaqaruit arlaannilluunniit paasissutissanik pisariaqartitsiguit uunga sianerlutit aperivit 34 81 50.

 

SUNGIUSAALLAMMAK AQUTSISUULLAMMAK TIMERSULLAMMAK

 

 

MEEQQANIK PINERLIISIMANNGINNERMUT UPPERNARSAAT

Meeqqanik pinerliisimannginnermut uppernarsaat 

Kalaallit Nunaanni imaluunniit Danmark-imi meeqqanut 15-it inorlugit ukiulinnut kinguaassiutitigut atornerluisimanermut eqqartuunneqarsimagaanni, meeqqanik pinerliisimannginnermut uppernarsaammut tamanna ilanngunneqartarpoq. Kalaallit Nunaani Timersoqatigiiffiit inatsisaani § 6-mi aamma allaqqavoq, kattuffiit peqatigiiffiillu suliffeqarfiillu taassumalu ataani peqatigiiffiit assigisaalu Kalaallit Nunaanni Timersoqatigiit Kattuffiat-nut ilaasortaasuq pisussaaffeqartut meeqqanik pinerliisimannginermut uppernarsaamik Inatsisartut inatsisaat nr. 8 19. maj 2010-meersoq piniassasut.


Kinguaassiutitigut atornerluisimanermut eqqartuussut, meeqqanik pinerliisimannginnermut uppernarsaammi ukiuni 20-ni allaqqasarpoq, pingaartumik atornerluinerit immikkut ittumik sakkortussusillit meeqqanik atornerluisimannginnermut uppernarsaammi ukiuni 80-ini allaqqasarput.


Meeqqat pisortat inaataaniikkaangata, assersuutigalugu meeqqerivimmi, atuarfimmi aamma timersoqatigiiffimmi kinguaassiutitigut atornerlunneqarsinnaanermut illersorniarlugit meeqqanik pinerliisimannginnermut uppernarsaat suliarineqartarpoq. Taamaammat inummik meeqqanik 15-it inorlugit ukioqartunik sullissisussamik atorfinitsitsineq sioqqullugu sulisitsisoq peqatigiiffilluunniit meeqqanik pinerliisimannginnermut uppernarsaammik pissarsiniartuussaavoq. Assersuutigalugu tassaasinnaapput:

  • Ilinniartitsisut
  • Perorsaasut
  • Perorsaasunut ikiortit
  • Ulluunerani angerlarsimaffimmi paarsisartut
  • Angajoqqaarsiat
  • Inunnik isumaginnittut
  • Pedel-it
  • Nakorsat
  • Napparsimasunik paarsisut
  • Igaffimmi aamma nerisarfinni sulisut
  • Nalunnguarnermik ilinniartitsisut

Meeqqanik pinerliisimannginnermut uppernarsaat nammineerlutit pissarsiarisinnaanngilat. Paarlattuanik illit sulisitsisorilerumaagassat imaluunniit peqatigiiffik meeqqanik pinerliisimannginnermut uppernarsaammik politiinut pissarsiniarsinnaasoq akuerisussaavat. Meeqqanik pinerliisimannginnermut uppernasaatinnik sulisitsorisassat peqatigiiffilluunniit pissarsiniarsinnaasoq akuerinngikkukku, suliffissaq atorfilluunniit pissarsiarisinnaanngilat.

Akuersissutinnik tunniussininniit sulisitsisuit peqatigiiffilluunniit meeqqanik pinerliisimannginnermut uppernarsaatinnik tigusinissaata tungaanut nalinginnaasumik sapaatit akunneri marlunniit pingasut tikillugit ingerlasinnaasarput.

Meeqqanik pinerliisimannginnermut uppernarsaat pigisat, meeqqanik 15-it inorlugit ukiulinnik sullissisinnaanermut atorfininnissannut naammaginartuusariaqarpoq.

Malugiuk
Sulisitsisoq imaluunniit peqatigiiffimmi siulersuisut nipangiusimannittussaatitaavoq. Tamatuma kingunerisaanik, meeqqanik pinerliisimannginnermut uppernarsaatip pigisavit imarisaa sulisitsisuit peqatigiiffimmiluunniit siulersuisut allanut oqaluttuareqqusaanngilaa. Taamatuttaaq meeqqanik pinerliisimannginnermut uppernarsaat aserorterneqartarpoq, sulisitsisup peqatigiiffiulluunniit atorfimmi sulilissanersutit suliaqarsinnaanersutit aalajangiunniariarpagu.

Meeqqanik pinerliisimannginnermut uppernarsaat (sullissivik.gl)

Denne hjemmeside anvender cookies til at sikre, at du får den bedste oplevelse på siden. Læs mere her

Ok