SULISUT PEQQISSUT NAAMMASSISAQARSINNAANERUPPUT
Aamma illit suliffiit peqqinnarnerulersikkusuppiuk aalaffiunerulersikkusullugulu? Sulisut peqqillutillu nuannaaraangata suliffeqarfik pitsaasuusarpoq, tassami sulisut ilorrisimaarnerat pitsaanerusarpoq taakkualu sulisut naammagisimaarinninnerannut qaffaataasarput napparsimannginnerulersitsisarlutillu.
Suliffeqarfiit 2030-mi nunarsuarmi nunani aalanerpaanngorniarnermut takorluukkamut peqataassava? Inummarissaasutut ilinniarit suliffinnilu ilorrisimaarneq sulerusussuserlu pitsanngorsaaqataaffigalugu. Inuummarissaasut sulisut akornanni peqqinnerusumik inuuneqarnissamut suliffimmilu naammagisimaarinninnerunissamut anguniagaqarlutik aaqqissuisuuppput, aallarnisaasuupput, kajumissaarisuupput isumassarsiortitsisuullutillu.
Kalaallit Nunaanni Timersoqatigiit Kattuffiannit ”Suliffeqarfiit peqqissut” ilinniartitsissutigineqassaaq, ilinniarneq sumiluunniit suliffeqarfinnit aqutsisunoorpoq sulisunoorlunilu.
Ilinniarnerup ilaatigut imaraa;
- Peqqissuseq pillugu paasisaqarneq (nerisassat, timimik aalatitsineq, tarnikkut peqqissuseq ilorrisimaarnerlu)
- Peqqinnerulersitsisinnaasunik aallarnisaanissamut isumassarsiassat
- Kajumissaarineq – aallartinneq ingerlatsiinnarnerlu
- Suliffimmi aalanerunissamut pilersaarutinik suliaqarneq
- Sulisut peqqissut naammassisaqarsinnaasullu
- Suliffimmi kajumissutsimik ikioqatigiinneq
MODULI SIULLEQ AVANNAATA KOMMUNIANI NAJUGALINNUT SULIFFEQARFINNUT PIKKORISSARTITSINISSAQ ILULISSANI PIFFISSAMI UANI PISSAAQ – SEPTEMBARIP 22-ANIT 23-ATA TUNGAANUT 2021
MODULI AAPPAA AVANNAATA KOMMUNIANI NAJUGALINNUT SULIFFEQARFINNUT PIKKORISSARTITSINISSAQ ILULISSANI PIFFISSAMI UANI PISSAAQ – Apriilip 6-ANIT 7-ATA TUNGAANUT 2022
”Suliffeqarfiit peqqissut” Kalaallit Nunaanni Timersoqatigiit Kattuffiata Dansk Firmaidrætsforbund peqatigalugu Ilulissani 2021-mi ingerlatissavaat.
PEQATAANISSAMUT AKILIUT: Inummut ataatsimut 1500,- kr. Akimi ilinniarnermi atugassat, nerisassat ilinniartitsisussarlu akilerneqassapput. Peqataanissamut nalunaarfissaq bjoern@gif.gl kingusinnerpaamik aggustip 15-iat 2021. Sumiiffissaq nalunaarutigineqarumaarpoq.
OBS! Ilinniarnerup nalaani oqalutseqarlunilu nerisassaqarumaarpoq.