SULISUSSARSIORNEQ

Kalaallit Nunaanni Timersoqatigiit Kattuffiat Kattuffiup UNICEF-illu akornanni pilersaarutinik ineriartortitsinissamut atatillugu pilersaarusior-nermut pisortassamik pissarsiorpoq. 

 

Kalaallit Nunaanni Timersoqatigiit Kattuffiata takorlluugarivaa, 2030-imi Kalaallit Nunaata nunarsuarmi nunat akornanni timimik atuiffiunerpaatut inissisimalernissaa.

Ingerlanniakkami ”Meeqqat Kalaallit Nunaanni timersornissamut piginnaatitaaffii”-mik taasami pisortatut inissikkuit periarfissarilissavat isumannaarniassallugu, meeqqanut tamanut avatangiisini toqqissisimanartuni timimik atuinissap kajunernartunngorsarnissaa.

Ingerlanniakkami siunnerfiuvoq timersoqatigiit peqatigiiffiisa aammalu suut timersorfiusut meeqqanut tamanut kajunernartunngortinnissaanut pitsaanerpaanik sinaakkusiornissaq, angujumallugu amerlanerpaat timimik atuinerulersinnissaat. Saniatigullu siunnerfigineqassapput meeqqat piginnaatitaaffii, tamallu avatangiisinik ineriartorfiusunillu pilersitsinissaq, meeqqat takuneqarlutillu tusaaneqarfigilersinnaasaannik.

Soorlu assersuutigalugu meeqqat pisussani akuliusimalersinnissaat aammalu inersimasut suleqataasussat meeqqanut atatillugu isornartuliorsimannginneranik uppernarsaatinik il.il peqannginnissaannik isumannaarinnissaamik qitiutitsinissaq tunngaulersinneqassapput..

Ingerlatsinermi saaffigalugillu anguniarneqartut tassaanerpaapput peqatigiiffinni immineq kajumissutsiminnik  suleqataasartut allallu, timersorfiusuni suleqataasartut. Nuna tamakkerlugu iliuuseqarnikkut taaneqartut meeqqat piginnaatitaaffiinut allanullu piginnaasamikkut qaffassarneqassapput ilinniarlugu qanoq iliornikkut meeqqat kikkulluunniit timiminnik atuinissamut kajumissarneqarsinnaasut. Taamatut iliornikkut aamma qularnanngitsumik immineq kajumissutsimik suleqataasarneq kajungernarnerulersinneqartussaassaaq.

Ingerlanniagaq Kalaallit Nunaanni Timersoqatigiit Katuffiannit Kalaallit Nunaannilu UNICEF-imit suleqatigiissutigineqassaaq ukiuni sisamani ingerlasussanngorlugu, taamaammallu atorfik tassa killilimmik sivisussusiligaassalluni.

 

Akisussaaffeqarfigisassat suliassallu

Pilersaarusiornermi pisortatut makku pingaarnertut suliassaassapput:

  • Pilersaarusiorneq, aqutsineq aammalu pilersaarutaasunik ataqatigiissaarineq piginnittuusut soqutigisaqatigisallu akornanni
  • Siumukartitsilluni ingerlatsinikkut malersueqqittarnikkullu isumannaatsunngorsaasarnissaq
  • Meeqqat piginnaatitaaffii akuliusimatinnissaallu pillugit nuna tamakkerlugu atugassanik ilinniusiornerni inerisaaqataaneq
  • Pilersaarusiorneq aammalu ilinniartitsinernillu ingerlatsinerit
  • Attaveqarneq ingerlatassanillu ingerlateqqiilluni siammartiterineq
  • Ingerlanniakkat soqutigineqalernissaannik paasineqarnissaannillu suliniuteqarneq
  • Ingerlanniakkat ilaatigut aningaasaliiffigineqarnissaannik ingerlaavartumik aningaasassarsiuussisarneq

 

Suliamut tunuliaqutitut piukkunnarsinnaasut              

  • Pilersaarusiornerni pisortaaneq ingerlatassanillu ataqatigiissaarisarneq
  • Meeqqanut inuusuttunullu siunnersortitut assingusumilluunniit ilinniarsimaneq
  • Ilinniartitsisinnaaneq, paasinartuliorsinnaaneq, inerisaanermut ingerlatsinermullu siunersortaaneq
  • Qaffasissumik ilinniarsimasuuneq (AC-fuldmægtig)
  • Isumaginninnermut peqqissutsimullu tunngasut iluini isumaginnittutut sulisarsimaneq
  • Attaveqarnermut sammisunik ilinniagaqarsimaneq

 

Illit qanoq ittuunissat

  • Pilersaarutinik ingerlatanillu aqutsisinnaaneq imal. pilersaarusiornernut sammisunik soorlu Prince 2-mik allatulluunniit ilinniarsimaneq.
  • Kalaallisut, qallunaatut tuluttullu attaveqarnernik ingerlatsisinnaaneq.
  • Iluaqutaassaaq meeqqat piginnnaatitaaffiinik ilisimasaqaruit aammalu tamakku iluini misilittagaqaruit suleqatikkuminartuullutillu.
  • Namminersorsinnaaneq, periarfissanik ujartuillaqqissuuneq suleqatikkuminartuunerlu.
  • Uniinnartartuunnginneq aaqqissuussaalluartumillu suleriuseqarneq.
  • Soqutigisaqaqatigiippassuarnik suleqatiginnissinnaaneq.
  • Suliassanut kajungertuuneq aammalu suliariniakkanut atatillugu nukissaqarluarlunilu qiimmassaasinnaassuseqarneq.
  • Meeqqat piginnaatitaaffii pillugit immineq sungiusarnnissamut piareeersimasuuneq.

 

Allat attuumassuteqartut ulluinnarpalaarnerusut

Takorloorparput 15. april 2021 aallartissinnaassasutit imal. allatut isumaqatigiissuteqarneq tunngavigalugu. Pilersaaruusiornermut pisortanngoruit ulloq siullermiit GIF-imi allattoqarfimmilu ilaalissaatit tassani inuit 6-it aammalu Nuummi UNICEF suleqatigilerlugit. Uagut allaffitsinni suliffeqalissaatit, nunattalu ilarujussuani angalasarnissaq piareersimaffigalugulu naatorsuutigisa-riaqassallugu.

 

Qanoq qinnuteqarnissaq

CV qinnuteqaallu itisilerutaasoq atorlugit atorfimmut qinnuteqassaatit. Tassani sooq imminut piukkunnerlutit nassuiassavat. Qinnuteqaat allakkatut nassiunneqassaaq nassiunneqassallunilu uunga:  poul@gif.gl. Qinnuteqarnissamut killiliussaavoq ulloq 26. februar 2021.

 

Aningaasarsiat atorfininnermullu tunngasut

Atorfik sivisussusiligaavoq maannamut ukiunut sisamanut. Aningaasarsiat atorfininnermilu aaqqiissutit allat isumaqatigiissuteqarnerit naapertorlugit inissinneqassapput. Atorfimmut atatillugu inissamik tunniussassaqanngilaq.

 

Apeqqutissaqaruit?

Atorfik pillugu apeqqutissaqaruit, ataani atsiortoq attaveqarfigisinnaavat una atorlugu poul@gif.gl – oqarasuaat +299 348 159.

Kalaallit Nunaanni Timersoqatigiit Kattuffiat pillugu paasiniaagit www.gif.gl/aalasa iserfigalugu aammalu UNICEF pillugu uunga iserlutit www.unicef.gl.

Denne hjemmeside anvender cookies til at sikre, at du får den bedste oplevelse på siden. Læs mere her

Ok