Tassaavoq timersoqatigiit kattuffiisa qulingiluaasut kattuffiat.
Kattuffik tassaavoq timersortartut oqartussanut sinniisuat. Tassanilu oqartussaasunit tapiissutinik allanillu allaffissornermi aqutsisuuvoq akisussaallunilu.
Oqartussaasut sinnerlugit Kalaallit Nunaanni timersornermut tunngasunik sinniisuuvoq, kattuffiillu sinnerlugit nunat tamalaat kattuffissuinut pisortatigoortumik suliniuteqarnernut attaveqaataasarluni. Timersornerup iluani aqutsisunut, timersortartunut siunnersuineq aammalu ilinniartitseqqinneq akisussaaffigaa.
Aallaqqaataaniilli Kattuffiup specialforbundillu Qallunaat Nunaanni Timersoqatigiit Kattuffiannut specialforbundiinullu annertuumik attaveqarsimapput. Kalaallit Nunaata inuiaqatigiittut ineriartornera ilutigalugu aammalumi 1979-mi namminersorneruleq tunngavigalugu pissusissamisoortinneqarpoq Timersoqatigiit Kattuffiat aamma nammineersinnaanerulissasoq. Qallunaat Nunaanni Timersoqatigiit Kattuffiat (DIF) paasinnilluaqatigalugu Kallaallit Nunaanni Timersoqatigiit Kattuffiata anguvaa soorunami specialforbundit ilagalugit 1. januar 1996 aallarnerfigalugu namminiivillutik kattuffinngortinneqarmata.
Taamanimiilli kalaallit nunaanni timersornerup ingerlanneqarnerata aqunneqarnera timersornerullu nunap iluani nunanilu allani ingerlatsinermut atatillugu ineriartortinneqarnera aallartisarlualerpaat.
Badminton, Håndbold, Bordtennis, Volleyball aamma Taekwon-do timersuutiminni nunani tamani kattuffissuarnut ilaasortavittut ingerlaqataalerput.
Sisorarneq eqqarsaatigissagaanni FIS-mut (sisorartartut nunarsuaq tamakkerlugu kattuffiat) ilaasortanngorsinnaanera ilimagineqarsinnavoq ukiut marluk-pingasut qaangiuppata iluatsisinnaalersimassasoq. Arsaattartut Kattuffiat FIFA-mut UEFA-mullu isumaqatiginninniarpoq suleqatigiissutissamik isumaqatigiissummik siunnissami atorneqarsinnaasussamik nassaarsiorlutik, taamaalilluni kallaalit nunanut allanut unammisartui nunanut allanut akuerisaasumik unammisalersinnaaqqullugit. Kalaallit Nunaanni Timersoqatigiit Kattuffiata suliariniartuarpaa kalaallit timersortartut nunat tamat unammisaqattaartarnerini pqataasinnaanerat annertusarniarlugu, Kalaallit Nunaanniit aallartitatut isigisaallutik.
Nunanik Avannarlermiunik suleqateqarneq aallaavigalugu nunanut tamanut suleqateqarneq ingerlanniarsarineqarpoq, specialforbundilli ilaasa iluarinartinneruvaat ilaarusunnerullutilu taamatut aaqqissugaanermi suleqatiginerurosullugit Amerikkami Avannarlermi Kattuffiit.
Kalaallit Nunaat 1998-mi ENGSO-mi (European Non-Governmenttal Sports Organisation) ilaasortanngorpoq.
Kalaallit Nunaat IOC-mut atassuteqareerpoq Kalaallit Nunaanni namminermi Olympiske Komité-mik pilersitsiniarsaraluni.
ATAQATIGIINNERMUT AAQQISUUSSINERIT TIMERSORNERLU
Kalaallit Nuanni nunap pissusiisa qanoq inneri pissutaallutik nunatsinni timersornerup ingerlanneqarnera piumasaqaataasinnaasullu tunngavigalugit nunanit allanit ingerlanneqartartunit assigiinngissitaartorujussuupput. Ataavartumik unammisaqattaartoqarsinnaanngilaq angalaniarnerit akisuallaarnerujussuarneri pissutigalugit. Tamatuma aamma kingunerisarpaa timersortartut pikkorilluartut nunatsiniit nuuttariaqartarnerat taamaalillutik unammisaqattaartarnerni peqataasaqattaartarnerussagamik.
TIMERSORNERUP NAALAGAAFFIULLU AKORNANNI PISSUTSIT
Kalaallit Nunaani Timersoqatigiit Kattuffiat specialforbundillu Nunatta aningaasanut inatsisai tunngavigalugu aamma Tipsernermi sinneqartoorutinik tapiiffigineqartarpoq. Namminersornerullutik Oqartussat timersoqatigiiffiillu kattuffiata akornanni suleqatigiilluarneqarpoq tamanut iluaqutaasumik. Timersortartut kommunini angerlarsimaffigisaminni tapiiffigineqartarput.
TIMERSORTARTUT PIKKORINNERPAAT
Kalaallit sisorartartui ukiorpassuarni timersortartutut pikkorinnerpaani akuujuartarsimapput
Specialforbundit arlallit timersullammannik ineriartortitsillutik suliniarluarput.
Assammik Arsartartut Kattuffiat nunarsuaq tamakkerlugu unammisaqattaartarnerni peqataasarpoq.
Elite Sport Greenland-ip Kalaallit Nunaanni timersortartut pikkorinnerpaat tapiiffigisarlugit siuarsartuarpai.
INUIT TAMAT TIMERSORTARNERAT
Kalaallit Nunaanni Timersoqatigiit Kattuffiat tassaavoq aaqqissuussamik timersortarnerup amerlanerpaanit peqataaffigineqarluni ingerlanneqarnissaa siuarsarniassallugu. Sumiiffinni assigiinngitsuni timersorneq inuunermi naleqassusermut sunniuteqartitsivoq aammalumi meeqqanik inuusuttuaqqanillu ajunngitsumut perorsaanermut peqataalluinnarluni.
KALAALLT NUNAANNI KATTUFFIIT
Kalaallit Nunaanni timersorneq aaqqissuussanik 9-nik kattuffeqarpoq.
-
-
MALITTARISASSANUT SIUNNERSUUTIT
Malittarisassatut siunnersuusiami taagorneqarput peqatigiiffiup malittarisassaasa imarisariaqagai. Ilusilersorneqarnivia peqatigiiffiup siunertaanut, sunillu ingerlatsinissaanut aamma angissusianut naleqqussarneqassapput. Peqagiiffilerisunut malittarisassatut siunnersuusiat uani aaneqarsinnaapput:
Hent som fil -
REGLER FOR OPTAGELSE AF SPECIALFORBUND
Regler for optagelse af specialforbund og GM. Læs her om:
GIFs reglerne