Inuit timersuutaat Arctic Sports aallunneqarnerujartorpoq, oktober 2012-imilu GIF-mi ilaasortatut akuerisaalluni.

Arctic Sports ataani timersuutit pingasut inissisimapput: 

Arctic Sports: Inuit pinnguaataat/games nunat issittormiut timersuutaat. (Yamal/Rusland, Alaska, Canada, Kalaallit Nunaat). 

Dene Games: First Nations-it pinnguaatai.

Kalaallit Pinnguaatai: Kalaallit qangaaniilli pinnguaatai.

Timersuummik tassannga aallussisut Arctic Winter Games-imi aamma World Eskimo Inuit Olympics-mi peqataasarput.

Nunatsinni Unammersuarnermi meeqqat, inuusuttut  inersimasullu unammersuartinneqartarput.