Katerinnissamut killilersuingallarneq

Kateriinnissamut killilersuutit

Juli-p ulluisa 31-aniit atuutilersumik kateriissinnaanermik killilersuutit atuukkunnaartinneqassapput silami aammalu illup iluani. Taamatuttaaq qanermut assiaqutit atornissat atorunnaasinneqassalluni.

Tamakkiisumik akiuussutissamik kapineqarsimanngitsut suli kateriissinnaanermut killiliissutinik malittarisassaqassapput, ima paasillugu, ataatsimoorfiusinnaasuni peqataasinnaanatik julip ulluisa 31-aniit.

Naalakkersuisut nutaanik peqqussutinik piumasaqarput uppernarsaateqartoqassasoq tamakkiisumik akiuussitissamik kapineqarnissamik inuit allat kateriiffiginiaraanni timersornermik unammiuaartitsinerni assigisaanilu kateriiffiusinnaasuni.

Takussutissaq coronapas-iusinnaavoq Sullissivik-mi pineqarsinnaasumi imaluunniit allatut pisortatigoortumik allakkiatigut tamakkiisumik akiuussitissamik kapitissimanermik takussutissaq.

Inuit ataasiakkaat imminnut ungasissusissaat

Timikkut attorsinnaaluni timersorneq inerteqqutaanngilaq. Kaammattuutaasorli tassa sapinngisamik imminut attornerit sivikitsuusarnissaat, ingammik kiinnat eqqarsaatigalugit. Maluginiarneqassaaq, annertusisamik maluginiaqquneqarmata eqqiluisaarnissaq aammalu qanillinermi tuniluussinermik pilersitsisinnaasutigut pitsaaliuiniarnissaq.

Anguniarneqassaaq inuit imminnut 2 meterisut ungasissuseqartarnissaat tassani pineqarlutik pisut aalanerusut timimillu tamaviaartitsinerusut.

Paalluni assigisaanillu timersornerit inerteqqutaanngillat, peqqinnissarli eqqarsaatigalugu nalinginnaasumik maleruaqqusat, imminut ungasissuseqarnissamut tunngasut aammalu qassiusinnaanermut tunngasut illersorneqarsinnaasumik maleqquneqarput. Tamatumani anguniarneqarpoq imminut attornerit sivikinnerpaatinniarnissaat, ingammik kiinnat eqqarsaatigalugit.

 

Ataatsimiinnerit pikkorissaanerillu 

Ataatsimiinnerit, ataatsimeersuarnerit ingerlanneqaqqissinnaalerput naliginnaasumik peqqussutsit naliginnaasut atuuttullu malinneqarlutik. 

Inassutigineqartut maleruaqquneqartullu tamanit malinneqaqqusaasut:

Aattuisinnaanermik pitsaaliuinermi tunngavissat, tamanit maleqquneqartut, pingaarnersiuinermi imatut ipput:

  • Inuit tunillatsissimanermik pasineqartut allanut akuliusinnaajunnaarsinneqarnissaat.
  • Quersornermut atatillugu, assannik eqqiliutsuutitsinissamut aammalu attorneqartartunik eqqiluititsillunilu mianersornissamik siunnerfiliineq.
  • Imminut qanoq qanitsiginissamut atatillugu mianersorfissat, akulikissutsit, sivisussusissat aammalu akunnequteqarnissat.

Immikkut maluginiakkit, assat asattarnissaat – sprit-i bakteriaajaat atortaruk periarfissaqanngikkaangat assaat qaqorsaaserlugit asassinnaaneri. Tamatigut allarutissiat bakteriaajaasikkat imal. Sprit-it (70-85%-iusut) tamanit atorneqarsinnaasunngorlugit saqqumitinneqartassapput.

Ikusinnut quersorlutillu tangajortarit imal. kakkissarfimmut pappialanut, angerlarimassaatillu kiaqaruit, quersoruit imal. nukinnikt ippigisaqaruit – malussarnerit annikikkaluaraangataluunniit erngerlutit angerlartassaatit. Sumiiffinni piukkunnartuni paasissutissanik nivinngaasoqartassaaq aamma sumiiffinni timersornermik aallutaqarfiusartuni – soorlu allallugit inimi qassiusinnaanerit. Aamma maluginiarneqassaaq, isumagineqassammat inuit angerlarsimagallartussaatitaasut sungiusarnerni, unamminerni ataatsimoornerniluunniit peqataatinnginnissaat. Taaneqartullu atuuttussaatitaapput klubinut sulilu pingaarnertut – qitiusumik sungiusartarfinni.

Denne hjemmeside anvender cookies til at sikre, at du får den bedste oplevelse på siden. Læs mere her

Ok