DOPING

Antidoping Anti Doping Grønlandip suliniutaani qitiusutut tunngavigineqarpoq. Suliniutillu tassaapput pitsaaliuineq, nakkutilliineq akiuinerlu, tassanilu sammineqarput Kalaallit Nunaanni timersornermik ingerlanneqartut siammasissut.   

Anti Doping Grønlandip doping akiorlugu suliniutaani tunngaviit assigiinngisitaartut arlaqarput.

Anti Doping Danmarkip nittartagaa aqqutigalugu paasissutissanik pineqartumut atuumassuteqartunik aallerlutillu takunnissinnaavutit, soorlu makkuninnga:

DOPINGLISTi

Dopinglisti tassaavoq WADA-p innerteqqutaasut periutsillu pillugit takussutissiissusiaa, timersortartunut tamanut atuuttoq pineqartillugit nunat iluini atuinnginnissamut malittariassasiat aammalu timigissarnermut/qasuaallisarnermut atatillugu dopingimut attuumassuteqartutigut malittarisassiaasut.

WADA-mit inerteqqutit periutsillu akuerisaanngitsut pillugit allattugaatasut (dopinglisti) ukiut tamaasa nutarterneqartarpoq, Listi nutaaq ukiup aallartinnerani saqqummiunneqarluni ammarneqartarpoq kikkunnullu tamanut timersornermik aallutsisartunut atuuttuulluni, pineqartillugit kikkulluunniit malittarisassanik De nationale antidopingregler aamma  Dopingreglement for motionsidræt akuersaarinnissimasut.

 Uani Dopingliste 2022 takujuk (qallunaatooq)

 WADA-p nittartagaani Dopingliste 2022 tamakkiisoq takujuk  (tuluttooq)

Listi pingasunngorlugu aggulugaavoq :

  • ”tiguneqarsinnaasut” periutsillu qaqugukkulluunniit inerteqqutigineqartut (timersortilluni timersortinnanilu)
  • ”tiguneqarsinnaasut” periutsillu unamminerni inerteqqutaasut
  • ”tiguneqarsinnaasut” timersuutit ilaanni inerteqqutaasut

Dopinglistimi taaguutit atorneqartut ilai ataani nassuiarneqarput.

UNAMMINERNI INERTEQQUTAASUT

Wada timersuummut aaliangersimasumut akuersissuteqanngippat, taava unamminissamut peqataaffigisassamut aallartiffittut nalunaarsorneqassaaq unamminissaq sioqqullugu nal. 23.59, ingerlassaarlu unamminerup naammassinissaa tikillugu, misiliisoqassappat piffissaq atorneqartoq ilanngullugu.  

 

QANOQ ILINERATIGULLUUNNIIT INERTEQQUTAASUT

Tassa imaappoq, ”pineqarsinnaasoq” periuserlu unamminermi avataanilu Antidoping kodeks nunarsuaq tamakkerlugu atorneqaqqusaasoq naapertorlugu, inerteqqutaapput,

IMMIKKOORTITERLUGIT IMMIKKOORTITERNAGILLUUNNIIT

 Kodeksimi Artikel 4.2.2 naapertorlugu "Artikel 10 tunngavigalugu ”tiguneqarsinnaasut” inerteqqutigineqartut tamarmik dopinglistimi allassimasuussapput, Periutsit arlaannaalluunniit nassuiagaassanngilaq, Dopinglistimi immikkut erseqqissarneqarsimanngippat periutsitut nalunaarsugaasutut”.

 Artikelimut pineqartumut oqaasertaliussani allassimavoq: "”Tineqarsinnaasut” periutsilluunniit erseqqissagaasut artikel 4.2.2-mi allassimasut allanut ”tiguneqarsinnaasunut” periutsinullu sanilliullugit  pingaaruteqannginnerusutut ulorianannginnerusutulluunniit isigineqassanngillat. Tassaaginnarpummi  ”tigussallugit” ajornannginnerorpasittut imal. ”tiguneqarsinnaasut” angusaris-saarnerulissutaanissaat eqqarsaatiginagit”.  

ATORNERLUILLUNI ”TIGUNEQARSINNAASUT”

Kodeksimi artikel 4.2.3 naapertorlugu atornerlunneqarsinnaasutut allassimasuupput dopinglistimi,  timersornerup avataani inuiaqatigiit akornanni atornerlunneqarajuttuusut. Tassani ilaapput: Kokain, diamorfin (heroin), methylenedioxymethamfetamin MDMA) aammalu tetrahydrocannabinol (THC).

Denne hjemmeside anvender cookies til at sikre, at du får den bedste oplevelse på siden. Læs mere her

Ok