KALAALLIT NUNAANNI ANTI DOPINGIMUT ATATILLUGU SIUNERTASSATUT AALIANGERSAKKAT
Kalaallit Nunaanni timersornermut inatsit naapertorlugu, Kalaallit Nunaanni Anti Doping malittarisassiortussaavoq, tamatumunngalu atatillugu Naalakkersuisut nævnimik attuumassuteqanngitsumik pilersitsivoq, tassunga suliarisassanngortillugit siunnerfiliornissaq, sukaterinissaq aammalu suliarisassanngortillugit timersornermi timigissarnermilu doping akiorniarlugu suliniutinik ataqatigiissaarinissaq aammalu pitsaaliuilluni akiuinissaq.
Siunertat
Anti Doping Grønland siunertat naammassiumallugit makku isumagissavai:
1) Timersornermi timigissarnermilu dopingimik pitsaaliuinermut akiuinermullu atatillugu qaammarsaaneq ineriartortitsinerlu,
2) Pisortat oqartussaaffeqarfiinik siunnersuillunilu ikiuinissaq pineqartillugit Anti Doping Grønlandip isumagisassaqarfigisai,
3) Nunarsuarmi dopinginik akiuiniaqatigiiffinnik suleqateqarnissaq,
4) Timersornerup silarsuaani ”eqeersaatinik” inerteqqutaasunik pissarsiuminaassaanissaq atuinissarlu unissarnirlugu sulinissaq,
5) Nunatta iluani pitsaaliuinermik akiuiniarnermillu sulinermut atatillugu tunngavissanik malittarisassiornissaq
6) Dopersimasinaanernik misilluillunilu misiliisarnissaq aammalu
7) Iliuusissanik aaliangiisarnissaq ilanngullugit kinguqartitsissutissat, timersortartut tamakkuninngalu suliaqartut tungaannut, malittarisassanik unioqqutitsisunut imal. dopingimut atatillugu timersornermi timigissarnermilu killiliussanik unioqqutsitsisunut.
Timersornermi timigissarnermilu Kalaallit Nunaanni Timersoqatigiit Kaattuffiata ataani specialforbundit, timersoqatigiit peqatigiiffiisa, timersortartut klubbiisa timigissartarfiillu avataaanni dopinginik atuisoqannginnissaa angujumallugu, Anti Doping Grønlandip pitsaaliuinermik suliniutit akiuiniarnermillu ingerlanneqartut assigiinngitsut suleqatigissavai.
PERIUSISSAQ
Anti Doping Grønlandip sulinermini tunngavigaa periusissiaq 2022-imiit 2026-ip tungaanut atuuttussusiaq. Anti Doping Grønlandilu sulivoq tunngavigalugit siunertarisassatut timersornermut inatsimmi aaliangersagaasut, tassani timersornerup iluani ingerlatsisuusut, timersoqatigiit peqatigiiffii aammalu timigissartarfiit assigisaallu allat, timersornermik timigissarnermillu aallussivittut neqerooruteqartuusut pisussaaffiligaallutik timersornerit timigissarnerillu toqqissisimanartumik isumannaatsumillu sinaakkuteqarlutik ingerlatsinissamut isumannaarinninnissamullu.
Anti Doping Grønlandip sulinerani aamma tunngavigineqarpoq timersornermik aaqqissuussatut ingerlatsiviit, timersoqatigiit peqatigiiffii timersortartullu klubbii kiisalu timigissartarfiit, fintnesscentret assigisaallu allat, pineqartut iluini aallussivissatut neqerooruteqartuusut nakkutiginnittussaasut inerteqqutinik atuiffiunngitsunik ingerlatseriaatsinillu aammalu naapertuilluartumik malillugit Anti Doping Grønlandimit dopingimik atuinnginnissamut malittarisassiai.
Tamatumunnga atatillugu Anti Doping Grønland periusissatut arlaqartunik siunnersuusiorsimavoq, atuutsilertitaasunik, Anti Doping Grønlandillu periusissianik anguniagaasut naammassisinnaajumallugit sulinermini aallaavigisaanik.
Anti Doping Grønland-ip periusissiaa ilusiligaavoq Anti Doping Danmarkimik sinaakkutitut isumaqatigiissut malillugit, tamatumalu atuttsinneqalernissaa Kalaallit Nunaanni timersoqatiigiit Katuffiannit, Elite Sport Greenlandimit allattoqarfimmiillu akisussaaffigineqarpoq.
Atuaruk Anti Doping Grønlandip periusissiaa ukiuni 2022-miit 2026-imut atuuttussiaasoq.
AQQISSUUSSAANEQ
Anti Doping Grønland siulersuisunit tallimanik ilaasortaqartumit aqunneqarpoq, taakkulu Kalaallit Nunaanni Timersoqatigiit Kattuffiannit (GIF), Elite Sport Greenlandimit Nakorsaaneqarfimmiillu toqqagaapput. Nunatsinnilu Timersoqatiigiit Kattuffiata allattoqarfik ulluinnarni aquttuuffigivaa tassanilu aaliangersimasumik sulisoqarluni GIF-ip Nuummi illorisaaniiittumik.
Piffissaq manna tikillugu suli dopingimut atatillugu nakkutilliisussamik, tassa ulloq naallugu ullullu ilaannaani imal. timelersugaaasumik sulisumik atorfinitsitsisoqarnikuunngilaq.
Poul Petersen
Allattoqarfimmi pisortaq ADG
SIULERSUISUT
Anti Doping Grønlandip aqutsisui tassaapput siulersuisuni ilaasortat. Taakku Naalakkersuisunit toqqagaasarput imatut agguluinermi inassutigineqartut tunngavigalugit:
1) Ilaasortat marluk siammasissumik timersornermik ilisimasaqartut Kalaallit Nunaanni Timersoqatigiit Kattuffiannit innassutigineqartarput
2) Elite Sport Greenlandimit ilaasortassat Elitetut timersornermik ilisimasaqartut marluk inassutigineqartarput.
3) Ilaasortassaq ataaseq timersornerup peqqinnassusianik ilisimasalik ataaseq Nakorsaaneqarfimmit inassutigineqartarpoq.
Nævnimi ilaasortassat qinigaanerat ukiuni sisamani atuuttussaasarpoq. Ataasiarlunilu qinigaaqqittoqarsinnaavoq.
Siulersuisullu makkuupput:
- Siulittaasoq Formand Jesper Olesen, Ledende regionslæge Nakorsaaneqarfimmit toqqagaasoq 2022-imi oktober tikillugu.
- Siulittaasup tullia, Hans Lars Olsen, Royal Greenlandimi aalisakkerivimmi pisortaq Kalaallit Nunaanni Timersoqatigiit Kattuffiannit oktober 2022 tikillugu illaasortatut toqqagaasoq.
- Siulersuisuni ilaasortaq Maliina Abelsen, UNICEF Grønland programchefiusoq Nunatsinni Timersoqatigiit Kattuffiannit oktober 2022 tikillugu atuuttussatut toqqagaasoq.
- Siulersuisuni ilaaasortaq Martin Møller, Elite Sport Greenlandimi siunnersorti oktober 2022-ip tungaanut atuuttussatut toqqagaasoq.
- Uiloq Slettemark, Greenland Biatlon, Elite Sport Greenland-imit oktober 2022 tikillugu ilaasortassatut toqqagaasoq
Anti Doping Grønland-imi sulersuisuni ilaasortat issianerminni ukiumoortumik akissarsitinneqartarput.