Timersorluni ajutoornernut aningaasaliissutissat

 

Timersorluni ajutoornernut aningaasaliissutaasartut misissortinnernut katsorsarneqarnissamullu tapiissutissaasarput. Najoqqutassat, qanoq tapiisoqartarneranik, piumasaqaatillu suunerinik manna aqqutigalugu ilisimasaqarnerulersinnaavutit – ataanilu immersugassaq atorlugu aningaasaliissutissanik qinnuteqarsinnaavutit.  

Aningaasaliissutit siunertaraat 

Timersorluni ajutoornernut aningaasaliissuteqarnerup siunertaraa inuusuttut 14-17-inik ukiullit ajutoorsimasut timersorlutik ajutoornermik misissortinnissaannut aammalu/immaqaluunniit suliaritinnissaannut atatillugu aningaasartuutaannut tapiisarnissaq, tapiiffigineqarsinnaanissarli aatsaat naatsorsuutigineqarsinnaavoq misissorneqarnissaq aammalu/imaluunniit suliaritinnissaq Kalaallit Nunatsinni peqqinnissaqarfimmit isumagineQARSINNAANNGIKKAANGAT.   

Aningaasaliissutissat 35.000 kronet tikillugit misissorneqarnissamut matussutaasinnaapput, suliaritinnissamullu 75.000 kronet tikillugit matussutaasinnaallutik.  

Piumasaqaatit 

Aningaasaliissutissanik qinnuteqarniaraanni piumasaqaataavoq,  

  • 14-17-init akornganni ukioqarnissaq  
  • Ajutoornerup qinnuteqarnerullu nalaani Kalaallit Nunaanni najugaqarnissaq  
  • Aaqqissuussamik timersortilluni (peqatigiiffimmi/timersoqatigiiffiit kattuffiinut atuumassuteqartumik peqataatilluni ajutoornerusimassaaq   
  • Ajutoornerup annertussusia qinnuteqaammi nassuiaatigineqarsimassaaq, annertussusia, suunera, qanga pisimanera, sumilu ajoqusertoqarsimanera, kiisalu Kalaallit Nunaanni peqqinnissaqarfimmi suliarineqarsinnaannginneranut uppernarsaammik qinnuteqaat ilaqassaaq.  
  • Ajutoornermiit qaammatit pingasut qaangiutsinnagit qinnuteqartoqarsimasariaqarpoq.  

 

 

Aningaasaliissutit nuunnissaat 

Aningaasaliissoqassatillugu Kalaallit Nunaanni Timersoqatigiiffiit Kattuffianni qinnuteqaat suliarineqarsimassaaq, angajoqqaatullu akisussaassuseqartunut aningaasaliissutit tunniunneqassapput, konto ikiffissatut qinnuteqaammi allassimasumut Kalaallit Nunaanni/Danmarkimi aningaasaateqarfimmiittumut ikisinikkut. 

Aningaasaliissutit siunertamut atorneqarsimanngippata utertinneqassapput aningaasalluunniit ilai atorneqarsimanngippata, sinneruttut utertinneqassapput.  

Tapiiffigineqarnissamut itigartitaagaanni taava naammagittaalliorluni ingerlateqqiffissaqanngilaq.  

Immersuiffissat pingaaruteqartut tamaasa immersorsigit. Immersuiffissallu (*)-mik nalunaaqutserineqarsimasut pinngitsoornani immersorneqartussaapput. Naggataatigut tuugassaq toorsiuk taamaasillusilu qinnuteqaat nassiullugu. Qinnuteqarfissaq toqaannartumik nassiunnaveerussiuk taava qinnuvigissavatsigit emailikkut uunga nassiuteqqullugu poul@gif.gl. Annerusumik paasisaqarniaruit taava attavigisinnaavat: poul@gif.gl imaluunnniit sianerlutit (GIF-imut): 34 81 59. 

Tapiiffigineqarnissamut malittarissassat  

Denne hjemmeside anvender cookies til at sikre, at du får den bedste oplevelse på siden. Læs mere her

Ok