Royal Greenland pulje

SIUNERTAT

  • Timersoqatigiiffiit Timersoqatigiit Kattuffiannut ilaasortaasut Timersoqatigiillu Kattuffiata Kalaallit Nunaanni 2030-mi timimik aalatitsiunerpaaffiunissaanik anguniagaqarneranik tapersersuisuusut aallarniinernut suliniutinullu timersornermut tunngasunut aningaasaliissutissanik qinnuteqarsinnaanissaannik periarfissaqarnissap qulakkeerneqarnissaa
  • Aallarnisaanerit suliniutillu timersornermut tunngasut najugaqartunullu iluaqutaasut aningaasaliiffigineqarnissaat
  • Nammineq kajumissuseq aallaavigalugu aallarnisaanerit najukkami inuiaqatigiinnut sunniuteqartut ukkatarineqarlutillu inerisarneqarnissaannut peqataanissaq
  • Amerlanerusut timersornerup nuannersuanik misiginissaannut, ulluinnarni ataatsimoornermi ileqqut ilikkarnissaannut najukkamilu ataatsimooqatigiinnerup nukittorsarneranut ataatsimoorluni sammisaqarnissamut peqataanissaq.

KIKKUT QINNUTEQARSINNAAPPAT?

Aningaasat illikartinneqartut qinnuteqarfigineqarsinnaapput peqatigiiffinnit, GIF-imi ilaasortaasunit.

SUNUT QINNUTEQARTOQARSINNAAVA?

Timersorneq eqaarsaarnerlu pillugit aaqqissuussinerit, soorlu tamanit peqataaffigineqarsinnaasut, ataatsimoornissamik aamma-/imaluunniit peqqinnissamik assingusumilluunniit tunngaveqartut pillugit suliniutit tapissaanik qinnuteqartoqarsinnaavoq. 

TAPIIFFIGINEQARSINNAANNGITSUT, PIUMASAQAATILLU ALLAT:

Nunatsinni pissartanngorniuunnernut peqataaniarluni, angalanissamut, najugaqarnissamullu kiisalu aningaasarsiassanut/akissarsiassanut matussutissanik tapiisoqarsinnaanngilaq. Kiisalu suliniutit pereersut kingumut taperneqarsinnaannatik.

Qinnuteqartuni asiulliunneqassapput akimut suleqatiginninniartut: Soorlu najukkami peqatigiiffiit assigiinngitsut/suliffeqarfiit/atuarfiit/il.il. peqataatillugit innuttaasunik suleqateqarumasut, taamaalillutillu najukkami allanngueqataanissamik anguniagaqartut.

QAQUGUKKUT QINNUTEQARTOQARSINNAAVA?

Royal Greenlandip timersuutinut agguaassassatut aningaasaliissutaat ukiumut pingasoriarlutik qinnuteqarfigineqarsinnaasarput: Februaarimi, juunimi og novemberimilu. Qinnuteqarfissat tamarmik assigiinngitsunik piumasaqaataasunik qulequtaqartassapput.

 

QULEQUTARINEQARTUT 2022-imi

Matumani Timersoqatigiit Kattuffiat RG-llu, aningaasat agguaaneqartussat ukiut tamaasa aalajangertassavaat suliniutinut sunut tunniunneqartassanersut: Assersuutigalugu ilaqutariinnut/meeqqanut inuusuttuaqqanullu, imaluunniit utoqqarnut suliniutit immikkut ukkatarineqassanersut. 

Februar 2022-imi sammisaq: Inunnut innarluutilinnut timersortitsineq

Ingerlanneqartussat makuusinnaapput:

  • Ingerlatat aaqqissuussalluunniit inunnut innarluuteqartunut tulluarsakkat
  • Najukkami (nunaqarfigisami/illoqarfigisami) ikioqatigiinnikkut suleqatigiinnikkullu innarluutillit timersortarnissaat eqqumaffigineqartilerlugu
  • Innarluutilinnut assigisaannulluunniit tulluarsakkamik ammasumik aaqqissuussineq, innarluutillit peqatigiiffinnut ilanngunnissaat siunertaralugu.
  • Kajumissutsiminnik suliaqartussanik/ikorfartuisussanik pissarsiniarnissaq siunertaralugu peqatigiiffik suliniuteqarluni
  • Sammisassaqartitsisarluni inuit innarluuteqartut pillugit peqatigiiffinni ilisimasaqartoqarnerulersillugu peqataatitsisoqarnerulersillugulu, soorlu assersuutigalugu sattaaserluni ujakkaartitsisoqarsinnaalluni, ataasiinnarmik taleqarluni assammik arsarneq, kaamisartakkamik issiaveqarluni basketball-erluni, assigiinngitsullu allat innerluuteqarluni aallunneqarsinnaasut misilittagaqarfigitillugit.  
  • Najukkami (illoqarfigisami/nunaqarfigisami) innarluutillit sammisinnaasaannik sammisaqartitsilluni ulloq ataaseq/sapaatip akunneranik sivisussuseqartumik.

QANOQ QINNUTEQARNEQ INGERLANNEQASSAVA?

1. Qinnuteqaasiorfissiaq naqqaniittoq immersoruk
2. Missingersuusiamik takutitsivissiaq immersoruk, taannalu ilanngullugu qinnuteqaatit
elektroniskiusumik nassiullugu.

Qinnuteqarfissaq 28. februar 2022 killeqarpoq.

Qinnuteqaammut immersungassaq

Qujanaq qinnuteqaravit. Piaartumik attavigiumaarpatsigit qinnuteqaat suliarineqareerpat. Inuss. Inuull. Kalaallit Nunaanni Timersoqatigiit Kattuffiat

Kunne ikke sende. Prøv igen.

Denne hjemmeside anvender cookies til at sikre, at du får den bedste oplevelse på siden. Læs mere her

Ok