Malittarisassat

Siunertaq:
Aningaasaliissutinut siunertarineqarpoq kattuffiit, peqatigiiffiillu kattuffeqanngitsut pikkorissaannissaminnut pikkorissarnissaminnulluunniit atugassaminnik ajornannginnerusumik anigaasanik pissarsinissaannut. 

Aningaasaliissutigineqarsinnaasut annertussusaat:
Kr. 1.500.000 kr.

Pineqartut:
Timersoqatigiit Kattuffianni (GIF) ilaasortat: Kattuffiit aammalu peqatigiiffiit kattuffeqanngitsut, qinnuteqarnikkut uannga aningaassaliiffigineqarsinnaapput.

Suliffeqarfiit, Timersoqatigiit Kattuffianni ilaasortaagaluartut uannga aningaasaliffiigineqarsinnaanngillat.  

Nassuiaat:
1.300.000 kr.-it kattuffinnut ukiumut atugassatut missingersuutigineqarput.

200.000 kr.-it peqatigiiffinnut kattuffeqanngitsunut ukiumut missingersuutigineqarput.

Qinnuteqarnermut periuseq:

• Kattuffiit qinnuteqarnialerunik, ukiup tullissaanut suliniutigerusutatik pillugit GIF-imi ineriartortitsinermut siunnersorti oqaloqatigissavaat.
  
  
• Peqatigiiffiit kattuffeqanngitsut toqqaanaq qinnuteqarnermut immersugassaq immersussavaat, GIF-imullu nassiullugu.

Naatsorsueriaaseq:

• Kattuffiit: Ingerlatsinermut agguaariaaseq (driftstilskud) assigalugu ingerlanneqartassaaq. Taanna atorlugu, qinnuteqartup ukiumut pikkorissarnissamut aningaasaliiffigineqarsinnaanerata annertussusaa takuneqarsinnaavoq.
  
  
• Peqatigiiffiit kattuffeqanngitsut: Peqatigiiffik sorleq qanoq annertugisunik pissaqarnersoq aaliangersimasoqanngilaq, taamaattumik qinnuteqaqqaarniuunneq atuuppoq. Qinnuteqaatilli akuerineqartinnagit nalilersuiffigineqaqqaartassapput, qinnuteqaatigineqartut ajunngitsortassaasa annertussusai aallaavigalugit.

Ingerlatseriaaseq:

• Kattuffiit GIF-imi ineriartortitsinermut siunnersorti saaffigissavaat, peqatigiillutillu ukiup tullissaanut pilersaarusioqatigiillutik. Kingorna isumaqatigiissusiaq malillugu, aningaasat tunniunneqassapput.
  
  
• Peqatigiiffiit kattuffeqanngitsut: Qinnuteqarfissaq una immersussavaat: qinnuteqaat
  Immersorneqarnissaanut assersuut takuuk: qinnuteqaat_assersuut
  Uunga nassiunneqassaaq: gif@gif.gl
  
  Aningaasat akuerisaasut tunniunneqassapput.
  
  
• Pikkorissaanerup/pikkorissarnerup kingorna piumasaqaataavoq immersugaq gif@gif.gl -imut nassiunneqassasoq. Immersugassaq uani nassaariuk: pikkorissarnerup_kingorna

Erseqqissaat:

Kattuffinnut:

• 2021-imi pikkorissarnissamut/pikkorissartitsinissamut qinnuteqarfissaq ukioq naallugu ammavoq.
• 2022-imi atugassanik qinnuteqarnissaq 15. Oktober 2021-imut killeqarpoq.
  • Periutsimi nutaami aningaasaliineq siulleq Januar 2022-mi pissaaq.

Peqatigiiffiit kattuffeqanngitsut:

• Ingerlaavartumik qinnuteqartoqarsinnaavoq.

Tamanut:

• Pereernikut tapiiffigineqarsinnaanngillat, siumut pisussat kisimik. Taamaammat siusinaartumik pilersaarusiornerit, qinnuteqajaarnissarlu piumasarineqarpoq.
  
  
• Pikkorissarneq Nunatsinni Pissartanngorniunnerup (GM) nalaani ingerlanneqassappat, aningaasat GM-tunut atorneqarsinnaanngillat.

Nalornissuteqaruit siunnersortikkusukkuilluunniit GIF-imi ineriartortitsinermut siunnersorti saaffigisinnaavat: 34 81 53-imut sianerlutit, imalunniit e-mail-erlutit: marienatuk@gif.gl

Kalaallit Nunaanni Timersoqatigiit Kattuffiata pik-
korissaanerit makku neqeroorutigisinnaavai:

Suliniummik ingerlatsineq

– aaqqissuussanik ungerlatsineq, aningaasaqarneq, suliniummik ingerlatsineq kajumissutsimik suliaqartussanik ujartuineq

Siulersuisunut pikkorissaaneq

– missingersuutit, aningaasanik aqutsineq, periusissiorneq & takorluuineq, kajumissutsimik suliaqarneq, attaveqaqatigiinneq

Meeqqant inuusuttunullu sungiusaaneq

– suliaqarfiit akimorlugit isumassarsiorneq, meeqqanut inuusuttunullu sungiusaasutsialak, kajumissuseq, timikkut eqqarsartaatsinnut isumaginninnikkullu ineriartorneq, pinnguarneq/arsalerineq, pilersaarusiorneq

Sungiusaasunut pikkorissaaneq trin 1 & 2

1 – ATK (ukiukkaanut sungiusaariaaneq) tunngavineqarpoq, peqqissumik inooriaaseqarneq, sungiusaasuuneq, sungiusaanissamut pilersaarusiorneq & meeqqanik inuusuttuaqqanillu sungiusaaneq,
2 –Sportspsykologi & piukkunnaatilinnik ineriartortitsineq

Ajutoornaveersaarnissamik sungiusarneq

– sungiusariaatsit, ajutoornissanik pinaveersaartitsineq, sungiusariaatsit naapertuuttut pillugit teorit ilisimasallu.