Aktivitetspuljen

AALLARNIUT
Kalaallit Nunaanni timersorneq timersoqatigiillu peqatigiiffii ulluni makkunani Corona
peqqutigalugu killilersuutinik eqqugaaqqipput. Katersuunnerni amerlassutsitigut
killilersuutit aammalu kommunit akornanni ingerlatsisinnaanerit timersorsinnaanermut
killiliipput.
Periarfissaqarpali pissutsit maannatut ittut piugaluartut peqatigiiffiit ineriartorteqqissinnaa-
nissaannut aamma ingerlassinnaasat, sungiusarnerit allatullu timersornissamik
neqerooruteqar-sinnaanerit eqqarsaatigalugit, ingerlatissallugit? Immaqalu allat allanik
kajumilertitsisinnaasut? Taamatut ittunut Kalaallit Nunaanni Timersoqatigiit Kattuffiat
ikiorsiissutissanik i,6 mill. kr.usunik illikartitsivoq Coronap atuunnerani ingerlatatigut
ineriartortitsinnaanernutqinnuteqarnikkut pissarsiarineqarsinnaasunik.


SIUNERTAT
Aningaasanik immikkoortitsinermi isumannaarumaneqarput:
- Timersoqatigiit peqatigiiffiisa specialforbundeqanngitsut specialforbundeqartullu
ingerlatsinnaanernut timersornernullu attuumassuteqartutigut ingerlatsinnaanissaat
2021-imullu pilersaarusiorsinnaanissat periarfissikkumallugit.
- Suliniutit pilersaarutillu timersornermik aallussisartut ingerlatsiinnarsinnaanerannik
tamakkulu siammarsarsinnaanerannik periarfissaqartikkumallugit amerlanerit
nuannaarutigisinnaasaannik timersornikkullu pissarsiaqarsinnaanerannik
tunngaveqartumik pilersinniakkat ilanngullugit.
Aningaasat ingerlatsinissanut illikartinneqartut isigineqassapput tassaasutut timersoqatigiit
peqatigiiffiisa ingerlatsiniarnerinut imaluunniit pilersaarutigeriikkaminnik timitaliiniarsinnaa-
nissaannut specialforbundit peqatigalugit peqatiginagilluunniit sumiiffinni iluaqutaasumik
ingerlanniakkanut annertoqqutissatut.


KIKKUT QINNUTEQARSINNAAPPAT?
Aningaasat illikartinneqartut qinnuteqarfigineqarsinnaapput peqatigiiffinnit
specialforbundiniillu, GIF-imi ilaasortaasunit.

 

SUNUT QINNUTEQARTOQARSINNAAVA?
Qinnuteqartoqarsinnaavoq pilersaarutinut pioreersunut nutaanullu, soorlu:
- Meeqqanut inuusuttunullu campus-ertitsinernut (soorlu assammik arsaneq, sisorarneq,
isikkamik arsarneq il.il aallaavigalugit).
- Illumik ammatitsilluni aaqqissuusinernut allatullu ilaasortassarsiorluni
ingerlanniakkanut.
- Peqatigiiffimmi immineq kajumissutsimik sulinissamut kaammattuillu suliniutinut
(taakku ataanni aamma ilaallutik pikkorissaanerit, workshopertitsillunilu
isumasioqatigiissitsinerit)
- Timersornerup iluani akimut nukittorsaaniarluni suliniutinut tassani aamma
specialforbundit eqqarsaatigalugit (soorlu workshop-ertitsinerit
isumasioqatigiissitsinerillu)
- Cupturnering-it timersoriaatsit specialforbundillu akimorlugit
- Cupturnering-ut illoqarfiit nunaqarfiillu akornanni kommunit killeqarfiisa iluini
ingerlasussanut
- Firma-nik unammisitsinernut (soorlu bordtennis-imik allanillu)
- Sumiiffinni ataasiakkaani unammisitsinernut utoqqaat eqqarsaatigalugit (soorlu
pisuinnarluni arsaatsitsinerit, assammik ilungersuuterujussuanngikkaluarlugu
timigissartitsinerit)
- Ingerlanniakkanut atortussanik pisiniarnernut.

 

SUUT ANINGAASANIT ILLIKARTITAT TAPIIFFIGINEQARSINNAANNGILLAT
PIUMASAQAATAASIN-NAASULLU ALLAT?
Killilimmik angalanernut najugaqarnernullu aningaasartuutinut tapiissutissanik qinnuteqar-
toqarsinnaavoq kiisali akissarsianut assigisaannullu. Nuna tamakkerlugu
peqataaffigineqartunik pissartanngorniuutsitsinernut tapiisoqarsinnaanngilaq. Aamma
tapiiffigineqarsinnaanngillaq suut ingerlanneqareersimasut imaluunniit
pilersaarutaareersimasut kiisalu ingerlanneqartut pilersaarutillu Kalaallit Nunatta avataani
pisussaasut.

 

QANOQ AMERLATIGISUNIK QINNUTEQARTOQARSINNAAVA?
Illikartitat katillugit 1,6 mill. kr.-usut 2021 tamaat atuutissapput. Qinnuteqarsinnaanerillu
tunngaviatigut qummut ammulluunniit killileriigaanngillat, angissusiliinernimi
tunngavigineqar-tassapput qinnutigineqartut qanoq pilersitsisinnaassuseqarnerinik
naliliinerit.
Piumasaqaatigineqanngilaq immineq aningaasaleeqataanissaq. Qinnuteqaat
nalilersuinerup kingorna tamakkiisumik akuerineqarluniluunniit, ilaannakuusumik
akuerineqarsinnaavoq imaluunniit itigartinneqarluni. Qinnuteqaatit tiguneri ilutigalugit
suliarineqarlutik naliliiffigineqartassapput qinnuteqaatillu elektroniskiusumik
nassiunneqartassapputt www.gif.gl (link) atorlugu.

 

Qinnuteqarfigineqarsinnaasumut atatillugu immikkut piumasarisatut makku
taaneqarsinnaapput:
- Aningaasat siammasissumik timersornermut atorneqassammata
- Aningaasat atorneqassammata amerlanerpaanut iluaqutaasumik
- Aningaasat ingerlatseriaatsinut siammasissunut atorneqassammata
- Aningaasat sumiiffigisami ingerlatanut tussammata ajornanngippallu nunap
immikkoortortaanut (kommunit killeqarfii eqqarsaatigalugit)
- Aningaasat nutaanik ilaasortartaanernut saaffiginiakkanullu sunniuteqassammata
- Aningaasat peqatigiiffiit ineriartorteqqinnerinut sunniuteqassammata
- Aningaasat atorneqassammata peqatigiiffiit timersuutillu akimut
suleqatigiissinniarsaralugit
- Aningaasat timersornermik ajornannginnerusumik aallutaqarsinnaanermut
ammaassissutaas-sammata ingerlanneqartullu avammut erseqqissuutinnissaannut.
Ukiup ingerlanerani timersoqatigiit peqatigiiffii arlaleriarlutik qinnuteqarsinnaapput taamallu
arlaleriarlutik pissarsisinnaatitaallutik.

 

QANOQ QINNUTEQARNEQ INGERLANNEQASSAVA?
1. Kingullertut qinnuteqaasiorfissiaq ivertitaq immersoruk
2. Missingersuusiamik takutitsivissiaq immersoruk taannalu ilanngullugu qinnuteqaatit
elektroniskiusumik nassiullugu
Kalaallit Nunaanni Timersoqatigiit Kattuffiannut ingerlaavartumik
qinnuteqartoqarsinnaavoq. Aningaasaliiffigisassatut akuerineqartut
akuersissutigineqarneriniit sapinngisamik sukkanerpaamik kingusinnerpaamillu ullut 14-it
ingerlanerini tunniunneqartassapput.
Ilanngussassatut piukkunnarsinnaasut (missingersuusiat saniasigut) qinnuteqaammut
ilanngullugit nassiunneqarsinnaapput.


PIUMASARISAT ALLAT
Suliniuip pilersaarutaasulluunniit naammassinerisa kingorna naatsorsuutigineqarpoq
peqatigiiffik atuisimanermik takussutissianik tunniussaqarsinnaassasoq imal. bilaginik il.il
takutitaqar-sinnaassasoq. Suliniut pilersaarutigisarluunniit tamakkiisumik
naammaassineqanngippata imal. atukkat tunniunneqartunit ikinnerusimappata, taava GIF
saaffigineqassaaq, aningaasat sinneruttut timersoqatigiit peqatigiiffiinut iluaqutaasussamik
atorneqarsinnaanissaat periarfissinneqarniassam-mat imal. aningasat sinneruttut
utertinneqarniassammata.

Tunngaviatigut aningaasat tunniunneqartut saaffigininninnermi tunngavigineqartunut
atorneqassapput atorneqassallutillu ukioq 2021 naatinnagu. GIF-imit
kaammattuutigineqarpoq, qinnuteqarnikuusut ingerlatatik, soorlu attaveqaatitigut allatigullu
ersersittassagaat, taamatut iliornermikkut peqataajumasinnaasut amerlanerpaat
ammaassigivigineqarsinnaaniassammata.

Tunngavigineqartuassappulli ataatsimoornissamut aaliangiussat, tamakkulu qanoq
ittuuneri misissukkit.
GIF-ip ilisarnaataa aqqalu pisussat avammut nittarsaannerini ilanngunneqartassapput.
GIF-ip tungaanit kissaatiginartinneqarpoq allat peqatigiiffiit isumassarsitikkumallugit
ingerlanneqartunut tunngasunik avammut agguaassisinnaanissaq. Taamaattumik GIF-imit
kissaatigineqarpoq aaqqissuussaat naammassinerisa kingorna ullut 14-it qaangiutsinnagit
assinik videoliarisimasanilluunniit GIF-imut nassiussisoqartarnissaq.
Maleruagassiat saqqummiunneqartut ingerlaavartumik nalilersoqqinneqartassapput
pisariaqartinneqarpallu, taakku anigaasaliinissanik naliliisartunit nutarterneqartassallutik.


QINNUTEQARNIARTUNUT SIUNNERSUUTITSIALAAT
Qinnuteqarniarnerni eqqaamaneqassaaq maluginiarneqarlunilu piviusorsiorpalaartunik
pilersaarusiortarnissaq aammalu eqqummaariffigineqassalluni ingerlanniakkat
sapinngisamik siammasissunut soqutiginartuunissaat.
- Qinnuteqarninni siunertaliilluartarit aammalu tunngaviatigut tunaartarisaruk
siunnerfiup, aaqqissorniakkap ingerlanniakkallu ataasiinnaasarnissaa.
- Isumannaaruk siunertappit sumiiffimmut attuumassuteqarluartinnissaa
ingerlatsiniarnissa-milu ajornartinnagu peqatigiifiit timersortartullu
suleqatiginiartarnissaat.
- Eqqarsaatigisiuk aqqutaani misilittagarilikkassi allanut iluaqutissanngorlugit
siammartitertarnissaat.
- Sapinngisamik erseqqissagaalluartumik missingersuusiortarit.

 

Qinnuteqaammut immersungassaq

Qujanaq qinnuteqaravit. Piaartumik attavigiumaarpatsigit qinnuteqaat suliarineqareerpat. Inuss. Inuull. Kalaallit Nunaanni Timersoqatigiit Kattuffiat

Kunne ikke sende. Prøv igen.

Denne hjemmeside anvender cookies til at sikre, at du får den bedste oplevelse på siden. Læs mere her

Ok