TUNULIAQUTAA SIUNERTAALU

Naak siornatigut inuiaqatigiit peqqissusaannik timersoriaasiannillu misissuisoqareernikuugaluartoq, suli ilisimanngilarput suna peqqutigalugu timersortoqartarnersoq, soorlu ilai pisariaqavitsinnagu timersorneq ajornersut.

Misissuinerit siulliit takutippaat suiaassuseq, ukiut, ilinniarsimaneq, ulluinnarni atukkat (suliffik ilaquttallu), sumiiffimmi timersorfiusinnaasut (peqatigiiffiit, timersortarfiit, pisuttarfiit) timersoriaatsimut sunniisartut.

Inuiaqatigiit timersoriaasiisa assigiinngissusaannut qulaani taaneqartut kisiisa sunniisinnaanerarsinnaanngilagut. Naak illoqarfiit nunarfiillu ilai timersorfiusinnaasunik peqarluaraluartut innuttaasut amerlasuut timersornermik ingerlatsineq ajorput.

Allatut oqaatigalugu ilisimaneqanngilaq timersornissamut suut kajumitsitsisarnersut suullu timersorusunnginnermik kinguneqartitsisarnersut.


Kajumissuseq, sumiiffinni assigiinngissuseq inuiaqatigiinnilu inissisimaneq

Inuup arsarnissamut inuullu pinngortitami pisuttuarnissamut kajumissusaa imminnut sanilliutissagaanni assigiinnginnissaat takorloornartorujussuuvoq soorlu aamma inuup majuartarfikkoornissamut elevatorikkoornissamulluunniit kajumissusaa aamma taamak issasoq. Assigiinngissutsit pineqartut ilisimatinnagit kiisalu inuiaqatigiit aaqqissuussaanerannut sumiiffinnilu assigiinngissutsinut attuumassuteqalersinnagit inuit timersornissamut periuusiisa assigiinnginneri paasineqarsinnaanngillat, nassuiarneqarsinnaanngillat iliuuseqarfigineqarsinnaanatillu.

 

 

Suliniutip matuna siunertaraa timersornerunissamut kajumissuseq pillugu paasissutissanik katersinikkut, suliaqarnikkut paasisanillu siammarterinikkut Namminersorlutik Oqartussat, kommunit kattuffiillu iluani peqqissutsimik timersornermillu suliaqartartunut (ass. suleqatigisartakkat, suliniutit paasititsiniaanerillu) paasissutissiinissaq.

Inuiaqatigiit aaqqissuussaanerat eqqarsaatigalugu suliniummik taamaattumik ingerlatsisoqarnissaa soqutiginartorujussuuvoq, paasissutissammi pigineqalertut aallaavigalugit innuttaasut timersornerulernissaat anguniarlugu politikkiliornissamut suliniuteqarnissamullu toqqammaviliilluartoqarsinnaammat.

Nunarput tamakkerlugu misissuinerup kingunerissavaa innuttaasut assigiinngitsutigut kajumissuseqarnerulernissaannut sukumiisumik ilisimasaqalerneq. Paasisallu nunarsuarmi Kalaallit Nunaanni timimik aalatitsinerpaanngornissamut suliniuteqarnissamut iluaqutaassapput.

 

Suliniut Nordea Fondenimit aningaasaliiffigineqarpoq.

TUNULIAQUTAA SIUNERTAALU        SULINIUMMI SAMMISAT                  SAQQUMMERSITAT              APEQQUTIT AKISSUTILLU 

   

Denne hjemmeside anvender cookies til at sikre, at du får den bedste oplevelse på siden. Læs mere her

Ok