APEQQUTIT AKISSUTILLU

Kalaallit Nunaanni aalaneq-mut tikilluarit. Quppernermi matumani ilisimatuussutsikkut misissuineq pillugu apeqqutigineqakkajunnerit akissutaat atuarsinnaavatit.

Immersuinissamut qaaqqusissummik kikkut pissarsissappat?
Kalaallit Nunaanni aalaneq pillugu immersugassaq qaaqqusissutinngorlugu innuttaasunut nalaatsornerinnakkut toqqarneqarsimasunut nassiussuunneqassaaq. Qaaqqusissut digitalikkut allagarsiissutikkut nassiussuunneqassaaq (e-Boks imaluunniit borger.dk). Qaaqqusissummi linkeqarpoq tuugassamik, taannalu tooraanni immersuiffissaq ammarneqartarpoq.


Qanoq ilillusi toqqarpisinga?
Pingaaruteqartorujussuuvoq kalaallit inersimasut assigiinngitsut peqataatinneqarnissaat – innuttaasuni eqimattakkuutaat tamakkerlugit misissuiffigeqataaneqarniassammata: Angutit, arnat, inuusuttut, utoqqaat, timersungaatsiartartut timersorpiarnerlu ajortut.l Tamaattumik nunatsinni qallunaat 15-it sinnerlugit ukiullit nalaatsornerinnakkut toqqarneqarsimapput. Toqqaaniarnermi CPR-imi allassimasut akornanni nalaatsornerinnakkut toqqaasoqarpoq, toqqarneqartullu e-Boksiatigut qaaqqusissummik nassinneqarsimapput.

Sooruna peqataassasunga?
Peqataanissaq nammineq aalajangerneqassaaq. Kisianni soorunami kissaatigaarput peqataanissat, peqataanivimmi sooq timersortoqartarnersoq timersornerulernissamullu qanoq iliuuseqartariaqarnersugut takutissagamiuk. Ilisimalikkagut atorlugit nunarput tamakkerlugu timersornerulrnissamik periarissanik ujartuisoqassaaq.

Timersortaruma aatsaat peqataasinnaavunga?
Naamik. Timersortaraanni timersornerluunniit ajoraanni peqataanissat pisariaqartipparput. Timersornermut misilittakkat assigiinngitsut tusarfigerusuppagut. Immersugassami timersorneq ajortut aamma paasiniaaffigaagut. Inuilli amerlanerpaat arlaatigut angerlarsimaffimminni, ingerlaarnerminni sulinerminnilu timiminnik atuisarput.

Misissuineq akissutikkalu sumut atorneqassappat?
Timimik aalatitsineq inuit inuunerannut qitiusorujussuuvoq. Inuit ilaannut ulluinnarni timersorneq inuunermut naleqalersitsisutut isigineqartarpoq, ilaasali ulluinnarni suliarisartagaannut (sulinerup nalaani, angerlarsimaffimmi ingerlaarnermiluunniit) timimik atuineq pingaaruteqartorujussuulluni. Misissuineq aqqutigalugu ilisimasaqarfiginerulerusupparput timersornerulerusuttunut qanoq siuarsaasinnaanerluta.

Sooruna inuiaqatigiinni Covid-19-eqaraluartoq misissuinermik taamak ittumik ingerlatsisoqartoq?
Covid-19 inuit ilaasa tunillaasuuttoqannginnerani timersoriaasiannut sunniisimavoq, misissuinerilli minnerusut takutippaat ataavartumik timersortartut amerlasuut timersoriaatsiminnik ingerlatsiinnarsimasut.

Paasissutissat qanoq toqqortaatigineqassappat?
Paasissutissanik qulakkeerinnittoqarnissaanut inatsisini piumasaqaatini allassimasut malillugit Kalaallit Nunaanni aalaneq-mi peqataasut akissutaat toqqortaatigineqassapput. Apeqqutinut akissutitit Syddansk Universitetimi misissugassanngorlugit paarineqassapput. Paasissutissat tunniunneqartut mianersuunneqarnissaat qulakkiissavarput, paasissutissallu taamaallaat SDU-mi ilisimatuut suliamik ingerlatsisussat kisimik takusinnaassavaat. Paasissutissat pissarsiarineqartut misisusineq naammassineraniit kingusinnerpaamik ukiut tallimat qaangiutsinnagit nunguterneqarumaarput imaluunniit kinaassutsit takuneqarsinnaajunnaarsinneqarumaarlutik, tamannalu pissaaq 1. januaari 2027.


Kalaallit Nunaanni Aalaneq misissoraanni paasissutissat uannut attuumassusillit takuneqarsinnaassappat?
Oqartussaqarfiit paasissutissanik allattuiffiini allassimasunut peqataasut akissutaat ilanngunneqassapput. Taamatulli atassusiisoqarnerani peqataasut kikkuuneri ersersinneqarnavianngilaq. Kalaallit Nunaanni Aalaneq-mik misissuisut akissuteqartut kikkuuneri takusinnaanngulai. Tassami misissuinerup ingerlanneqarnerani inuup kinaassusaata allassimanissaa pisariaqartinneqanngilaq – uanili paasiniarneqartoq tassaavoq ataatsimut peqataasut akissutaat aallaavigalugu oqartussani paasissutissat aalariaatsimut sunniuteqartarnersut.

Immersuininni ikiorneqarsinnaavunga?
Aap, soorunami. Illillu akissuteqartassaatit. Apeqqutit ilaat ilinnut attuumasuupput ilaatigut soorlu nappaatinut aalasinnaanermullu pisinnaassutsinut tunngasut. Taamaattumik imaassinnaavoq ilai illit nammineerlutit akerusussagitit. Ammasumik unneqqarissumillu akisassaatit, illilli nammineq aalajangissavat akissutitit allanit takuneqassanersut.

Ilaquttannik allanik misissuinermi peqataasoqarpa?
Misissuinermi immersugassanik akissuteqartussat ujartorneqarneri piaarinaatsoornerinnakkut toqqaaneq aallaavigalugu toqqaasoqarsimavoq, taamaattumik ilaqutariinni arlallit peqataanissamut qaaqquneqarsinnaaneri ilimanaateqarpallaanngilaq.

Misissuinermit paasisat sukkut atuarsinnaalerumaarpakka?
Akissutiguneqartut katersorneqareerpata misissorneqareerpatalu ingerlaavatumik tamanut saqqummiussisoqartassaaq. Paasisat pingaarnerit siulliunneqartassapput. Saqqummiineq nittartakkatigut, TV-kkut, atuagalliutitigut, atuagassiatigut nittartakkatigullu tusagassiutitigut pisassaaq. Minnerunngitsumik ataqatigiissumik nalunaarusiortoqassaaq paasisallu pingaarnerit isiginnaagassiarineqassallutik.

Tamatuma kingorna Timersoqatigiiffiit Kattuffiat kommuninukarluni paasisanik saqqummiiartussaaq kommunimilu aalariaasissatut kissaatigineqartup anguniarnissaanut iliuuserineqarsinnaasut aamma saqqummiunneqarumaarlutik.

Kalaallit Nunaanni Aalaneq pillugu suliaqartut qanoq saaffigisinnaavakka?
Kalaallit Nunaanni Aalaneq pillugu misissuineq angisoorujussuuvoq, neriuppugullu nittartagaq una atorlugu piffissap ingerlanerani apeqqutissatit amerlanerpaat takkuttussat akissuteqarfigineqartassasut. Attavigerusukkutsigulli saaffigisinnaavatsigut, Timersoqatigiit Kattuffiannut mailerfissat tassaavoq bjoern@gif.gl.

Suliniummi paasissutissat pissariat kiap takusinnaavai?
Misissuinermi ilisimatuut kisimik paasissutissanik takunnissinnaapput. Ilisimatuut allat misissuienrminni paasissutissanik pisariaqartitsissappata tamanna aatsaat pisinnaavoq Kalaallit Nunaanni Aalaneq-mi ilisimatuut kiisalu SDU-mi inatsisilerituut akuersippata. Paasissutissanillu ingerlatitseqqittoqassagaluarpat paasissutissiinermi ateq, najugaq, inuttut normu paasissutissallu allat peqataasup kinaassusaanik takutitsisinnaasut tunniunneqassanngillat.

Kalaallit Nunaanni Aalaneq-mik ingerlatsisut akuersissutit pisariaqartut pissarsiarinikuuaat?
Aap, Kalaallit Nunaanni Aalaneq-mik misissuineq SDU-mut nalunaarutigineqarlunilu akuerineqarnikuuvoq. Akuersisartut tassaapput SDU-mi ilisimatuussutsikkut misissuisoqarneranut atatillugu inuk pillugu paasissutissanik katersisartut, atuisaartut, ingerlatitseqqittartut assigisaallu.

Kalaallit Nunaanni Aalaneq-mik suliaqartut ilisimatuunik ilisimasalinnillu allanik suleqateqarpat?
Peqataasunut apeqqutissat naapertuuttut apeqqutigineqarnissaat anguniarlugu Naatsorsueqqissaartarfik aammalu Kalaallit Nunaanni Peqqissusermik ilisimatusarfik isumasiorneqarnikuupput taakkualu saniatigut Kalaallit Nunaanni timersoriaatsimut tunngatillugu misissuinikut Idrættens Analyseinstitut Danmarkimi inissismasut aamma saaffigineqarnikuullutik. Suliniummi ilisimasat qaffasissumik inissisimanissaat qulakkeerniarlugu ingerlaavartumik nunatta iluaniittunik avataaniittunillu suleqateqarumaarpugut.

Immersugassaq uannut immersorneqannginnerani allanit misilittarneqarsimava?
Aap. Immersugassaq ukiup affaa sinnerlugu suliarineqarsimavoq, piffissallu ingerlanerani sammisami ilisimasallit misissortarsimallugu. Illoqarfinni assigiinngitsuni apersuinerit aallaavigalugit immersugassap suliarineqarsimavoq. Misissuinermit paasisat uani atuarneqarsinnaapput.

Taassuma saniatigut immersugassaq inunnit (antal personer for pilotudsendelse)-nik amerlassusilinnit misiliutigalugu immersorneqarsimavoq. Misilittaanerit aqqutigalugit qulakkeerniarneqarsimavoq apeqqutit eqqortuunissaat akineqaruminarnissaallu. Taamaaliortoqarneratigut peqataasut piffissaannik asuli atuisoqassanngilaq.

Apeqqutinut akissutikka pillugit paasisaqarsinnaavunga?
Ajoraluartumik naamik. Misissuineq eqqarsaatigalugu misissuinermi peqataasut akissuteqaataat taamaallaat misissuinermi atorneqarnissaat aalajangiunneqarsimavoq, taamaasilluni akissuteqartup imminerminut taamaallaat attuumassusillit paasisinnaanngilai. Tassanilu allat akissutai namminerlu akissutigineqarsimasut pineqarput. Akissutigisimasatit eqqaamarusukkukkit innersuussustigissavarput akissutitit pillugit illit nammineq atugassannik oqaaseqaasiussasutit imaluunniit immersukkat naammassigukku anisinnissaa.

Kalaallit Nunaanni Aalaneq-mut kikkut aningaasaliissuuppat?
Ilisimatuussutsikkut misissuineq Nordea-fondenimit aningaasatigut tapersersorneqarpoq.

 

 

 

TUNULIAQUTAA SIUNERTAALU        SULINIUMMI SAMMISAT                  SAQQUMMERSITAT              APEQQUTIT AKISSUTILLU 

Denne hjemmeside anvender cookies til at sikre, at du får den bedste oplevelse på siden. Læs mere her

Ok