Pisuttuartitsisartunngorit

2030-mi Nunarsuarmi timimik aalatitsinerpaanngornissarput anguniagaraarput. Maaji Nuan nallingajaliivipparput. Pisuttuarnerup sunniutai suusupajugisassaanngillat. Isumaginnerulertaratta. Uisaruserunnaartaratta. Nukissaqarnerulertaratta – immitsinnut avatangiisitsinnullu. 



PISUTTUARTITSISARTUNNGORIT

Pinngortitami pisuttuarneq nuannaraajuk isumaginnaralugulu, misigisatillu aamma allanut misigitikkusuttarpigit? Pisuttuarnermik – arpannermilluunniit – nuannarinninnerit inunnut avatangiisinniittunut ingerlateqqikkusuppiuk? Taamatut misigisimaguit taava pisuttuartitsisartunngornissaq ilinnut piukkunnarluinnarsimassaaq. Ataatsimooqatigiinneq nukittooq, amerlanerillu pisuttuartartunngortinnissaat peqataaffigiuk!  

Pisuttuartitsisartoq ungasissumut sukkasuumillu pisuttuartartuusariaqanngilaq. Inuusinnaavorli kajumissuseqartoq peqatigiuminartorlu, inunnik amerlasuunik assigiinngiiaartunillu peqateqarsinnaasoq. 

ANNERTUNERUSUNIK PAASISAQARUSUPPIT?


Soqutiginartikkukku taava pisuttuartitsisussat sunissaanik ilitsersuutitut ikkussarput aajuk,  taamaallu isillutit nammineq pisuttuaqatigiittussanik pilersitsisinnaanngorlutit.  

Makkua paasisaqarfigissavatit:

  • Pisuttuartitsisarneq: Suut tassunga attuumassuteqarpat.
  • Pisuttuarnerit ineriartortinnissaannut siunnersuutit.
  • Pinnguaateeqqat sungiusaatillu suut pisuttuarnermik nuannernerulersitsisinnaappat.
  • Pisuttuaqatigiittarnerit aaqqissorlugit (Facebook-imi gruppeliornissamut allanilluunniit suliaqarnissamut ikiorneqarsinnaaneq)

Pisuttuartitsisartoq sunaava?

Pisuttuartitsisartoq?
Pisuttuartitsisartoq tassaavoq illoqarfimmini/nunaqarfimmini pisuttuarnissanik aaqqissuisartoq.
Uannut suna piumasaqaataava?
Allat pisoqatigissallugit nuannaarutiginera allanut ingerlateqqikkusussavat, pisuttuarnissassilu aaqqissuunniissaa isumagisinnaassavat. Takisuumik sukkasuumilluunniit pisunnissaq piumasaqaataanngilaq.
Asimi pisuttuartitsiniaruit pingaarpoq silasiorsinnaaneq aammalu iluaqutaalluarsinnaalluni ikiueqqaarsinnaaneq. 
Qanoq akulikitsigisumik pisuttassuunga?
Illit nammineq aaliangissavat qanoq akulikitsigisumik pisukkusunnerlutit. Ilaat qaammammut ataasiaannaq pisuttarput, ilaallu sap. ak. arlaleriaq. Illinuna ataatsimoortitsiniartutit, taamaammat illit naalagaavutit :-) 
Suna pissarsiaqaatigissavara?
Aningaasanik akissarsiassaqanngilaq... kisiannili kammalaatitaartussaatit nutaat, pisinnaasat misigisassallu nutaat. Taakkualu sinnerlugit aamma eqqissineq pilluarnerlu pissarsiassaassapput, ulluinnarnilu nukissaqarneruneq, taamat pisuttuartitsisartut oqaloqatigeriikkagut oqarput. Usi aamma peqqinnerulissaatit 😉

QANOQ PISUTTUARTITSISARTUTUT AALLARTISSINNAAVUNGA?

  1. Pisuttuartitsisuunissamut ikkussagut aakkit.
    Pisuttuartitseqatigiittartuliornissannut qanoq piareersaateqarsinnaanerlutit paasissavat, siunnersuutitsialannik iliuserineqarsinnaasunillu tuniorarneqassaatit, pisuttuartitsillaqqissunngornissannut piareersimalersillutit.

  2. Pisuttuarnerit piareersakkit. Pisuffissat toqqartukkit. Qassinut qanorlu sivisutigisumik pisuttuarnissaq nammineq aalajangissavatit. Naapiffissap nalunaarutiginissaa eqqaamagiuk.

  3. Pisuttuarnissat ussassaarutigikkit.
    Nalunngisatit tamaasa allallu soqutiginnissinnaasut oqaluttuutissavatit pisuttuartarninnut tunngasunik.

Atuaruk: Imannak pisutsitsinitit saqquminerulersinnaapput

Pisuttuartitsisartut tujuuluanik pisaarit aaqanngitsoq

Pisuttuartitsisartunngussallutit aaliangeruit, pisunnissinniit videomik nassiussigit, oqaluttuarlutit: 

  1. Suminngaanneernerit

  2. Sooq pisoqatigiittartunik aallartitsisimanerit

  3. Ullup manna tikillugu suut misilittagarinerlugit
Pisuttuartitsisartut siulliit 20-it videomik nassiussisut aaqanngitsumik pissarsissapput. Aaqanngitsoq pisunnissinni atortariuk. Video uunga nassiutissaaq: gif@gif.gl suuneranik allattuiffiani allaguk ‘PISUTTA Tujuulut talitaqanngitsut pisuttuassutit.

PEQQUTIT 10 SOOQ PISUSSANERLUTIT 

  1. Pisunneq peqqinnermut iluaqutaavoq, nappaatinullu pinaveersaartitsisuulluni
  2. Pisunneq eqqarsartaatsimut peqqinnarpoq stressimut isumatsassimangaarnermullu iluaqutaalluni
  3. Pisunneq qasujaannerulersitsisarpoq
  4. Pisunneq silaannarinnermik seqinermillu tunisisarpoq
  1. Pisunneq qiimmannarpoq sinilluarnarlunilu
  2. Pisunneq eqqaamasaqarsinnaanermut, piumassusermut, ilikkagaqarluarsinnaanermullu iluaqutaasarpoq
  3. Pisunneq atorneqarsinnaavoq sumiluunniit qaqugukkulluunniit
  4. Pisunneq immikkut atortorissaaruteqartariaqanngilaq
  5. Pisunneq allat peqatigalugit, timersorneq naapisimaarnerlu ataatsikkoortissinnaavai
  6. Pisunneq tamanoortuuvoq



Denne hjemmeside anvender cookies til at sikre, at du får den bedste oplevelse på siden. Læs mere her

Ok

CORONA

Timimik aalatitsinermi innersuussutit