Illoqarfiit unammisinneri 2021

NAJUGARISAT ’PISUTTA’mi AJUGAASSAVA?

Maanna illoqarfiit nunaqarfiillu akornanni unammisitsineq naavoq. 


KINA PISUSSINNAAVA (IMALUUNNIIT ARPASSINNAAVA)
TAKINERPAAMIK SAPAATIP AKUNNERATA ILUANI? 

Sap. ak. 21imi illoqarfinni nunaqarfinniluunniit kilometerinik qassinik pisutsigisoqarsimanersoq arpattoqartigisimanersorluunniit unammissutigineqartussaavoq – najugarisami innuttaasut amerlassusiannik agguartarlugu.

Kikkut tamavimmi peqataasinnaapput – ukiut qasujaassuserluunniit apeqqutaatinnagit! Kilometerit tamavimmik iluaqutaasussaapput!

Najugaqarfiit unammisinnerat ataasinngornermi 24. maajimiit sapaat 30. maaji ilanngullugu ingerlanneqartussaavoq. Ajugaasut maajip 31ani suaarutigineqassapput.

QAA KALAALLIT NUNAAT  

PISUTTA!

IMATUT PEQATAASINNAAVUTIT

Malittarisassat nalunanngeqaat.

  1. Pisuttuareernerup/arpareernerup kingorna qanoq isorartutigisoq angusimanerlugu immersugassamut allaannartartussaavat.
  2. Inuttaaqatitit eqqaamallugu oqaluttuunnissaat unamminieq pillugu.

Kalaallit Nunaani Timersoqatigiiffiit Facebook-iani kikkut qanoq ingerlaartigisimanersut tassanittaaq malinnaaffigisinnaasussaavat.


AKISSARSIASSAQ

Ajugaasut ataqqinaat, nuannaarneq ataatsimooqatigiinnerullu nuannersortaa akissarsiarissavaat. Tamatuma saniatigut najugarisat unammisinneqarneranni ajugaasut Timersoqatigiit Kattuffianniit pulaarneqassapput, peqataasimanerlu pillugu oqaluttualiarineqarlutik, taannalu ukiumoortumik MALIGASSIUISUT novembarimi aallakaatinneqarnerani takutinneqassaaq.

1951-IMI 2001-IMILUUNNIIT INUNNGORPIT?

Qangaanersoq apeqqutaassagami?... Aappi apeqqutaassaaq.

Unammissutigineqartussaavormi ukiumi sorlermi inunngorsimaneq (nuna tamakkerlugu) sap. akunneranimi 21imi ukioqatigiiaat unammisinneqassagamik. Taamaattumik kusanatit/peqaatit/naalakkaatit pisuttuaqatigisarniarigit ;)

Pisunnerit isorartussusiat matumani pineqarani sapaatip akunnerata ingerlanerani qasseriarluni pisuttuaqatigiittoqarsimanissaa/arpaqatigiittoqarsimanissaa aalajangiisuusussaavoq.


PEQQUTIT 10 SOOQ PISUSSANERLUTIT 

  1. Pisunneq peqqinnermut iluaqutaavoq, nappaatinullu pinaveersaartitsisuulluni
  2. Pisunneq eqqarsartaatsimut peqqinnarpoq stressimut isumatsassimangaarnermullu iluaqutaalluni
  3. Pisunneq qasujaannerulersitsisarpoq
  4. Pisunneq silaannarinnermik seqinermillu tunisisarpoq
  1. Pisunneq qiimmannarpoq sinilluarnarlunilu
  2. Pisunneq eqqaamasaqarsinnaanermut, piumassusermut, ilikkagaqarluarsinnaanermullu iluaqutaasarpoq
  3. Pisunneq atorneqarsinnaavoq sumiluunniit qaqugukkulluunniit
  4. Pisunneq immikkut atortorissaaruteqartariaqanngilaq
  5. Pisunneq allat peqatigalugit, timersorneq naapisimaarnerlu ataatsikkoortissinnaavai
  6. Pisunneq tamanoortuuvoq

PISUTTUARTITSISARTUNNGORIT - NUANNARINNINNERIT ALLANUT MISIGITIGUK!


Najugarisap unamminermut peqataaneranut ilalersuinissaq allaavoq. Aammaliuna unammineq pillugu oqariartuutip siammarternissaa pingaaruteqartoq, attaveqaatinnut tamanut apuuttarlugu allallu pisuttuarnissamut/arpannissamut ilaserisarnissai pingaaruteqarluinnarpoq.  

Pisuttuaqatigiittartunik nammineq pilersitsiumaguit, pisuttuartitsisalerusukkuilluunniit, taava uani annerusumik paasisaqarsinnaavutit 

 

Denne hjemmeside anvender cookies til at sikre, at du får den bedste oplevelse på siden. Læs mere her

Ok