ATAATSIMOORLUTA AALASA!

Ataatsimoorluta meeqqat timersornikkut inuuneritsissavagut

Nuna tamakkerlugu meeqqanut inuusuttunullu toqqissisimanartumik peqataatitsisumillu timersornissamut suliniuteqarnerput atuaruk!
Peqatigiiffimmi aqutsisuuit imaluunniit sungiusaasuuit? Taava suliniutitsinnut peqataanissassinnut periarfissasi pillugit saaffigineqarniassagassi allatsigitsi.
Ataatsimoorluta 2030-mi nunani timinik aalatitsinerpaanngornissatsinnut suleqatigiissaagut – meeqqat pitsaasumik toqqissisimanartumillu sinaakkuteqarnissaannut pilersitseqataagitsi.

#Aalasa #GIF #Nordea-Fonden #UNICEF #Paarisa #InnuttaasutPeqqissusiannikIlisimatusarfik

 

 

Timersornermi meeqqanik inuuneritsitsineq


Nunatsinni timersornermi peqatigiiffiit assigiinngitsut aqqutigalugit meerarpassuit timiminnik aalatitsereerput. Peqatigiiffinni kajumissutsimik sungiusaasut aqutsisullu meeqqanut inuusuttunullu timersorneq peqatigiiffilerinerlu ataqatigiinnermik sinaakkutigalugu nuannaartitsisarlutillu misigisaqartitsisarput.

Ataatsimoorfiit nukittuut

Ataatsimoorfiit nukittuut nuannaarnermik ataqatigiinnermillu misigisitsisarput. Misissuinerit takutippaat timersoqatigiiffiit peqataatitsisut nuannaannginnermut inuiaqatiinnilu immikkoortitaanernut akiuisartut. Inuttut atassuteqaleraanni timersornermi ataatsimoorfiit nukittuut pilersinneqartarput – ilaatigut inuunerup sinneranut ikinngutitaartorfiusut – meerartatsinnut – qanorluunniit inuuneqaraluartunut – toqqissisimaffiusinnaasut pilersinneqartarput.

Timersorneruneq

Timersornermi ataatsimoorfinni nukittuuni meeqqat meeraqatiminnik inersimasunillu peqateqarnissartik, ataqqinninnissartik assigiinngissutsimillu akuersaarnissartik sungiusartarpaat. Meeqqat ikioqatigiillutik suleqatigiillutillu anguniagaqartarput. Kukkunermik ilinniartarput, akersuunnermik ajuallannermik misilittaasarput qaqeqqinnissaminnullu sungiusartarlutik. Timersornermi timersorneq kisiat sunguisarfiginagu inuuneq ilinniarfigineqartarpoq.

 


Inersimasut toqqissisimanermik pilersitsisut

Kalaallit Nunaanni sungiusaasutut kajumissutsimilluunniit suliaqartutut ataatsimoorfinni toqqissisimanermik pilersitseqataassaatit, pilersinneqartut meeqqat timikkut tarnikkulllu peqqillutik ineriartornissaannut periarfissiissaaq. Ataatsimoorfiit meeqqanut amerlanerusunut timersorusutsitsilissapput, qanorluunniit suiaassuseqaraluarunik, inuiaassuseqaraluarunik, oqaaseqaraluarunik nukissaqaraluaruniilluunniit tikilluaqqusaasutut misigitinneqassagamik toqqissisimatinneqassallutillu.

Anguniagaq ataaseq

Meeqqat ataatsimoorfimmik isumaqarluartumik toqqissisimanartumilluunniit neqeroorfigineqarunik, tassanilu inersimasumik toqqissisimatitsisoqarpat, taava kinguaariit tulliuttut, meerartagut, anguniakkatsinnut suleqatigisinnaavagut kiisalu meerartagut pitsaanerusumik inuuneqarnissaannik periarfississallutigit. Anguniagarlu tamanna tamatta anguniartariaqarparput.

Atuariaruk

.

 

.

Ilaarusuppit?

Peqatigiiffimmi sungiusaasuit imaluunniit aqutsisuuit aammalu Ataatsimoorluta Aalasa pillugu saaffigineqarusullutit, paaserusullugulu peqatigiiffissinnut qanoq neqerooruteqarsinnaanersugut?

Allatsigitsi, attavigissavatsigit!

Denne hjemmeside anvender cookies til at sikre, at du får den bedste oplevelse på siden. Læs mere her

Ok