TAKORLUUGAQ 2030
NUNARSUARMI TIMIMIK AALATITSINERPAAQ
#Aalasa
Kalaallit Nunaanni Timersoqatigiit Kattuffiata takorluugaraa 2030-mi Kalaallit Nunaat nunarsuarmi timimik aalatitsinerpaassasoq. Uanilu ukiuni sisamani tulliuttuni takorluukkat anguniarnissaannut suut suliniutaassanersut atuarsinnaavat.
SINNATTOQInuuneq naallugu aalaneq
Inuiaqatigiit pillugit sinnattoraarput inuuneq naallugu aalasoqartassasoq. Tamannalu isumaqarpoq inuup inuunerani isiginiagassat arlaqartut tassaallutillu meeraaqqeriviit, meeqqeriviit, atuarfiit, suliffeqarfiit, sunngiffiit aamma utoqqaaneq tikillugu. Aalanissamut soqutiginninnerulersitsisoqarneratigut inuit inuunerminni ilorrisimaarnerusinnaanerat periarfissaqarnerussaaq.
Unammilligassat
-
Inersimasut 36 %-iinnai timersortarput aalasarlutillu
-
Timersoqatigiiffinni ilaasortat amerlanngillat
-
Arnat pingajorarterutaat angutillu sisamararterutaat assut oqimaappallaarput
-
Ukiuunerani uninngaannartartut amerlapput
-
Meeqqat inuusuttullu atugarliortut
-
Peqatigiiffinni kajumissutsimik suliaqartut amerlanngillat
-
Timersortarfiit amerlanerit nutaanngilisimallutillu ullutsinnut naleqqukkunnaarsimapput
ILUAQUTISSATAALANERMI ILUAQUTISSAT
Inuttut
-
Nukissaqalerneq nuannaalernerlu
-
Uierpallaarunnaarneq
-
Ilikkajanerulerneq
-
Inuttut piginnaasatigut siuariaateqarneq
-
Peqatissartaartorneq
-
Timikkut nukittorneq
-
Inuunerissaarnermik sivitsuineq
Inuiaqatigiittut
-
Katerittarnikkut nukittuuteqarneq
-
Peqatigiiffilerinikkut nukittuuteqarneq
-
Peqqinnissaqarfiup aningaasartuutai annikinnerit
-
Angusarissaarnerulerneq
-
Ilinniakkatigut angusarissaarnerulerneq
-
Inuiaat nukittuut
2030-mi takorluukkamut anguniagassat
-
Kalaallit Nunaanni amerlanerit aalasassapput
-
Ataatsimut aalaffiusuni amerlanerit peqataasassapput
-
Piujuaannartitsininermik siunertaqartumik ineriartussagutta inuiaqatigiit iluanni, inuussutis-sarsiorfinni oqartussaqarfinnilu amerlanerit suleqatigiissapput
PERIUSISSAQ 2023NUNA ATAATSIMOORUSSAMIK ANGUNIAGALIK
Ukiut tulliuttut sisamat takorluukkap angunissaanut toqqammaviliinissamik atorneqassaaq. Takorluukkatta qanoq iliorluta angunissaa paaserusukkukku ”Periusissaq 2023” atuaruk.
