ATAATSIMEERSUARNEQ

ATAATSIMEERSUARNEQ

”Kalaallit Nunaanni timersornerup siunissaa”-mik taallugu ataatsimeersuartitsinissaq pillugu tusagassiutitigut nalunaarut” 

 

Pingasunngornermi aggustip ulluisa 17-ianni Elite Sport Greenland, Dansk Boldspil-Union aamma Lokale og Anlægsfonden suleqatigalugit Kalaallit Nunaanni Timersoqatigiit Kattuffiata aammalu Idrættens Analyseinstitut-ip (Idan) Kalaallit Nunaanni timersorneq tassanilu periarfissaasut pillugi t – ataatsimeersuartitsinissaq Nuummi Hotel Hans Egede-mi ulluni pingasuni ingerlanneqartussaq aallartissavaat

 

Taamak ilisumik timersorneq pillugu ataatsimeersuarneq ingerlanneqassaaq pingasunngornermiit tallimanngornerup tungaanut, aggustip ulluisa 17-ianniit 19-iata tungaanut.

Ulluni taaneqartuni ataatsimeersuarnermi peqataasut 120-ussapput inuillu 30-it saqqummiussissallutik. Ataatsimeersuarnermi pilersaarutaavoq Kalaallit Nunaanni timersornerup siunissaa sammineqassasoq.

 

Ataatsimeersuartitsinerup ulluisa ingerlanerini saqqummiussisut timersortartullu ilisimaneqarluartut – nunatsinneersut avataaneersullu – kalaallit periarfissarisaat unammilligassaallu aammalu Kalaallit Nunaanni timersorneq siammasissumik isigalugu pillugit saqqummiussuillutik oqaluttuassapput.

Ataatsimeersuarnermi Idan-ip Kalaallit Nunaanni timersornermik misissugaa aammalu Kalaallit Nunaani Timersoqatigiit Katuffiata 2016-imiit 2019-imut pilersaarutai aallaaviussapput.  Pilersaarutit misissuinerillu takutippaat, Kalaallit Nunaanni, timersortartut peqatigiiffiinni peqataasunit klub-inillu nutarterinikkut, timersorfissanillu ineriartortitsisoqarneratigut kiisalu aaqqissuussanik pilersaarusiortarluni ingerlatsisoqarpat, timersorneq qummut kivinneqarsinnaasoq  aamma eqqarsaatigalugit atatsimoortitsinermut peqqinnissamullu sammisut.

 

Taamatut ilisumik ataatsimeersuarneq aqqutigalugu anguniarneqarput – timersortartut kattuffii, klub-it peqatigiiffiillu akunnerini suleqatigiinneri nutaanillu suleqateqalernerit pilersinnerisigut atugarissaarnerulersinnissaat. tamakkulu Kalaallit Nunaanni Timersoqatigiit Katuuffiata isummersuutaanut siunnerfiinullu naapertuupput.

Atatsimersuarnermi pingaanertut qulequttat uteqqiaffigineqartussat tassaapput ”Tamanut timersorneq”, ”Siunissami timersorfiusinnaasunik pilersitsinissat”, ”Pisartusanik ineriartortitsinissat” aammalu ”Timersornikkut peqqinnerulernissaq”, taaneqartunullu atatillugu saqqummiussisartussat pineqartut pillugit misilittakkaminnik isummersuutinillu saqqummiussuissapput kingorna inersuarmi peqataasunit tamanit peqataaffigineqartumik oqallinnertalerlugit.

 

Kalaallit Nunaanni Timersoqatigiit Kattuffiannit ataatsimersuarnissaq qilanaareqaarput isumalluarluta pisoq ”Kalaallit Nunaanni timersornerup siunissaa”-mi ineriartornissamut isummersuutit suleqatigiissinnaanerillu iluini ineriartortitsinikkut nutaanik periarfissiillunilu atugassaqartitsisinnaalerumaartoq, timersornermut nukittorsaataasussamik – taamallu aamma Kalaallit Nunaanni inuiaqatigiinnut tamarmiusunut iluaqutaajumaartussamik.

 

Atatsimeersuarnissaq pillugu paasissutissanik uunga alakkarterisinnaavutit: http://www.idan.dk/arrangementer/gronland/

 

Denne hjemmeside anvender cookies til at sikre, at du får den bedste oplevelse på siden. Læs mere her

Ok